سیری به قربانگاه عشق رئیس العاشقین حضرت سیدالشهدا (ع)
اصحاب الحسین در روز عاشورا
.
✍️ #زبدةالاشعار ✍️
.
🆔: @nohe_torki
.
مرحوم خازن
.
حسینه امر اولوب الطاف حقدن امتحان وئرسون
سماوات اهلینه ئوز پایۀ عشقین نشان وئرسون
.
.
ازلده ائتدوقی عهده ، وفانی یادینه سالسون
وفا ئوز عهدینه قیلسون بلادن امتیاز السون
نشان شور عشقی دیدۂ افلاکده قالسون
خیالینده اولان سیره صفای جاودان وئرسون
.
.
تماشای مقام عشقه گوردوم عالمی مُشتاق
گو تو ردوم پردۂ عشقی اچیلسون دیده عُشّاق
یاخوب گورسونله کیمدور دستۀ عشقه اولان مَشّاق
حسینه وئرموشم قدرت نشان بی نشان وئرسون
.
.
خیالینده قویوب هر کس صفات حق تماشاسین
گوز آچسون دقّتیله سیر قیلسون عشق صحراسین
وفا مَجنونینی گورسون سوروشسون حال لیلاسین
نشان ئوز بی نشان لیلانی مجنون زمان وئرسون
.
.
تماشا ایلسون دورت نور اعظم عرش اعلاده
حسینه امتحان عشق وئرسون فرش غَبراده
محبّت شرطینی کشف ایلسون ظاهرده معناده
بیله بیر امّته تصدیق مجموع جهان وئرسون
.
.
خلیلا وئر خبر اسماعیله چخسون تماشایه
تماشا ایلسون قربانگهینده ذبح اعلایه
ایدر ذبح آیه سین تفسیر هر دم آیه به آیه
حسینیم ایستوری یتمیش ایکی قربانه سان وترسون
.
.
دوروب قلب محبّتده گویول بی غلّ و غش اول شاه
رُموزات وفادن نشأتینی ایلسون آگاه
دایانسون زیر خنجرده سوسوز اولسون ذبیح الله
حیاتین چشمه سی یانسون عطشدن تشنه جان وئرسون
.
.
دم گرمیله گرم ائتسون دم مجموع ذرّاتی
مقام حیرته عالملری سالسون کراماتی
مَسیری ایلسون سیر و سلوکینده سماواتی
همان سیر و سلوکینده بلا دشتین مکان وئرسون
.
.
رُموزات وفانی تا گوروب لیلا اولوب مجنون
بویوردی اکبره اولدوم اوغول سندن بو گون ممنون
یارالی باشوین قانی ایدر رخساریوی گلگون
دونوب دوران منه هر دوره ده بیر کاسه قان وئرنسون
.
.
پریشان ایسترم گویلوم کیمی زلف پریشانون
توکولسون اشگ دیدم تک بلا میدانینه قانون
یخیلسون کربلا صحراسینه سَرو خَرامانون
صفا بو گلشن اندامیوه تیر و سنان وئرسون
.
.
خدنگ حرمله گوردی ایکی قان وار خطاسینده
ایتوردی ئوز ئوزون حیران گزَردی غم هواسینده
حسینی گوردی میداند دوروب میدان آراسینده
حیا ائتدی اگیلدی مقصدیندن بلکه یان وئرسون
.
.
شه دین اهتمامین فرقۀ عدوانه گوستودی
سرور و شوقینی شاه وفا مردانه گوستردی
ئوزی قدرت وئروب یول ناوک پیکانه گوستردی
سوسوز حلقین آچوب تیر بلایه یول نشان وئرسون
.
.
شهید عشقلردن کیمسه عبّاسه عدیل اولماز
گلوب باب الحوائج اولماق امّا بی دلیل اولماز
حسینه سو دیموشدی اولمادی امّا خجیل اولماز
ایکی قوللارینی سو اوسته قویسون ترجمان وئرسون
.
.
حبیب ابن مظاهر یول تاپوب گلدی بو میدانه
قوجا وقتی جوانلار تک بویاندی قرمزی قانه
حیاتینده قویوب بو بیر سوری لب تشنه قربانه
چمنگاه محبّتده منى شاهیم شبان وئرسون
.
.
عراقین بو خرابه زارینی رشگ چنان ائتسون
شهادت گل لرین اکسون او دشتی گلستان ائتسون
او گلزاره سوسوزلار قانینی سو تک روان ائتسون
او باغه زینب زهرا نُمانی باغبان وئرسون
.
.
گوزون آج «خازنا» یاتما اویان بو خواب غفلتدن
ئوزونی قورتارار عاقل اولان قید خجالتدن
یازا بو دوره ده هر کیمسه بیر نکته شهادتدن
وئروب سوز صاحبی سوز، هول محشردن امان وئرسون
.
.
#حسینیه_خازن_تبریزی
#اصحاب_الحسین #عاشورا
#حسینه_امر_اولوب_الطاف_حقدن_امتحان_وئرسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید