حالات حضرت زهرا (س)
..
..
..
..
ذاکری هشترودی
..
..
..
..
یازوبلا چوخلاری بوبکریدن بو جریانی
خلافته چکه چوخ سعی ایدوب اونی ثانی
خلافتیدی همیشه اونون چون عنوانی
ولی عمر اونون هر گون ایدردی تعریفین
اوزوندن اوتری خلیفه ایدوب اونی تعیین
..
..
..
..
چکردی نقشه سین عمرو عاص تک او بی وجدان
یوخیدی باطنی قرآن و عترته ایمان
عمردی ظاهرِ صورتده سیرتی شیطان
دیردى یتسه الیم بو حکومته بیر گون
علینی ئولدوررم دوشسه فرصتی هر گون
..
..
..
..
بو بیر سوزی یازیرام مقتلون حقیقتیدور
او ناکسون نظری شخصیده طریقتی دور
دیردی صیغه فقط احمدین شریعتی دور
منیم دیردی که بو سوزلره یوخوم باور
یاناردی قلبیدن الله بیلور نجه حیدر
..
..
..
..
بو بیر جنایتی اسلامه چوخ ویروب لطمه
ویروب نقدری بو دینه او بی حیا صدمه
اماندی شاعره بدبین اوزووی گورستمه
اونون وظیفه سیدور حق سوزی یازا کتابا
قیامتون گونی واللهی حق گلر حسابا
..
..
..
..
حقیقتی دییَنون یوخدی سس ویرن سسینه
حقیقتی دییَنون اود ویرولا سینه سینه
حقیقتی دییَنون گلمیولّه دوره سینه
حقیقتی دییَنون یا گرک دیلی کسیله
یازا حقیقتی هر کس گرک الی کسیله
..
..
..
..
ولی امام زمان من حقیقتی یازورام
آنون بتولیده کی شان و شوکتی یازورام
خدا عنایت ایدن جاه و عزّتی یازورام
یتیشمیوبدی بیری فاطمه جلالتینه
نه علته آقاجان سیلی دگدی صورتینه
..
..
..
..
ویروبدی سیلی اونا کیم گرک بیله دنیا
کتابیدن نه کی ثانی آدین سیله دنیا
بتوله سیلی دگنده گرک ئوله دنیا
نیه ستم یلی اول کوچه ده اسیلِیدی
عمرین اوندا گرکدور الی کسیلِیدی
..
..
..
..
آنانون اولسا یانیندا اگر بالاجا بالا
على الخصوص او اوشاقه اولا آنا زهرا
دگه او حالیده بیر سیلی گور قالار نه حالا
ایا امام زمان عرض ایدوم نجه بو سوزی
ویراندا سیلی عمر قانیله دولوبدی گوزی
..
..
..
..
ویریلماقی خانمون چوخ اثر ایدوب حسنه
دیدی نه حاله قالوبسان دگنده سیلی سنه
بابام بو سیلی یرین کاش گورمییدی ننه
سنه او سیلی دگنده دوداقلاریم اسدی
آنامی ویرما دیدیم شل اولا الون بسدی
..
..
..
..
غرض او حالیله زهرا دوروب دوشوبدى یولا
دیزی اسور گهی میل ایلیور صاقیلا صولا
چتیندی فاطمه نون دردینون دواسی اولا
دیزینده قالمادی بیر ذرّه جه قوواسی اونون
امام عصره قالوب دردینون دواسی اونون
..
..
..
..
گلوردیلر ایوه اما نجه پریشان حال
بقیعه گیتسون اگر اوردا بو سوزی یادا سال
دیدی حسن سنه قربان قاپونی اوغلوم چال
حسن قاپونی ویراندا گلوبدی زینب زار
دیسم سوزون دالینی صاحب الزّمان آغلار
..
..
..
..
قاپی آچیلیدی نه گوردی آناسی خسته گلور
اولوبدی بال و پری قوش کیمین شکسته گلور
الین قویوبدی ولی گوزلرینون اوسته گلور
دیدی ننه گوزون آچ گوزلریم سنه قربان
حسن دیدی ننمون گوزلرینده وار باجی قان
..
..
..
..
حسینده گلدی یانا یانه باخدی قارداشینا
ویروبدیلر بالالار بوردا اذن گوز یاشینا
ایکی باجی ایکی قارداش دولاندیلار باشینا
بیری دیدی گل ئوزی گور نجه سولوب ننه مون
بیری دیدی اورگی لخته قان اولوب ننه مون
..
..
..
..
بیری دیدی ننه مون قلبی قان اولوب الله
دگوبدی سیلی اونا گل یوزی سولوب الله
بیری دیدی گوزونه لخته قان دولوب الله
بیری دیدی اورگین درد و غصه لر آلدی
پیمبرین قزى الله نه گونلره قالدی
..
..
..
..
حسین دیدی قوجالوب گور ننم نه حاله قالوب
حسن دیدی ننه مون ساچلاری نه تز آغاروب
حسین دیدی بوکولوب قدّی گورنجه قوجالوب
حسن دیدی ننمه کوچه ده دگوب سیلی
حسین دیمه آتاما گول یوزی اولوب نیلی
..
..
..
..
ایکی باجی ایشیدیبدور حسن، حسین سوزونی
دیوبله هر نه اولوبدور بیزه دیون دوزونی
نیه بیزه ننه میز ویرمیور نشان یوزونی
دیر آنا قزینا دردینی بودور مرسوم
دیون بیزه نه اولوب ئولدوریر ئوزون کلثوم
..
..
..
..
ایکی باجی ایکی قارداش اوجادان آغلادیلار
آلوبلا دورینی زهرانی تز قوجاخلادیلار
مثال شبنم عذاره سرشکی باغلادیلار
دیوبله وای دوگولن الده مهربان ننه میز
یوزونه سیلی دگن قدى خم اولان ننه میز
..
..
..
..
یازوبدی «ذاکری» بو مطلبی گیجه یاریسی
حسینون آدیدی ذکر لبی گیجه یاریسی
عزایه دعوت ایدوب زینبی گیجه یاریسی
قفسده گوگلی قوشون باغ باصفا ایستر
بو «ذاکرینده» ایله گوگلی کربلا ایستر
..
..
..
..
#فاطمیه #ذاکر_هشترودی #فاطمیه_شهادت #ترکی #زبدةالاشعار
نظر دهید