سلام بر حضرت امام رضا ( ع )
..
..
حاج نادر بابایی
..
..
بارگاه اقدسه دارالشّفایه السّلام
شهریار ملک دین موسی الرّضایه السّلام
..
..
قبریون عطرین آلان هجرانیدن آزاد اولار
قلبینون ویرانه سی هر زائرون آباد اولار
کیم گورر صحنونده کی جاه و جلالی شاد اولار
گنبد و گلدسته و طاق طلایه السّلام
..
..
صحن و ایوانونده کی دیواریوه قربان اولوم
گنبد اوستونده اوچان قوشلاریوه قربان اولوم
دسته دسته شوط ایدن زوّاریوه قربان اولوم
قبرون اوسته قوزانان آه و نوایه السّلام
..
..
ای عزیز فاطمه ، شاه و گدا قبرونده وار
دردمندون دردینه عالی دوا قبرونده وار
هم نشان عطر گُل هم کربلا قبرونده وار
شیعه لر قبرونده سسلر کربلایه السّلام
..
..
اهل عالم تربتون عنبر کیمی خوشبو دیر
هر ایکی دنیا سنه سائلرون دلجو دیر
کیمسه نون وار حاجتی یا ضامن آهو دیر
معدن جود و کرم کان وفایه السّلام
..
..
آه او ساعتدن سنی مأمون دون مظلوم ایدوب
رسم مهمانداریه جور و جفا مضموم ایدوب
زهردار انگوریله آخر سنی مسموم ایدوب
گلدی جنّتدن آنون زهرا عزایه السّلام
..
..
قان دوداقونده اولوبسان عازم ملک بقا
بیر اباصلت اولدی بالینونده غمخوارون آقا
سالدون اطرافه نظر هیچ گورمدون بیر آشنا
گلدی یثربدن آقا اوغلون هرایه السّلام
..
..
درد هجرانون باجون معصومیه ایتمیش اثر
چیخدی یثربدن خراسانه ایدوب عزم سفر
اولدی امّا شهر قم دا ئولمگوندن با خبر
اللری باشدان اوجا قالخان هوایه السّلام
..
..
قم منیم اولسون دیدی ملک خراساندا سنون
شهر طوسی منشی تقدیر یازمیش مسکنون
وای منیم اقبالیمه غربت یر اولدی مدفنون
قان دوداقینده گیدن ملک بقایه السّلام
..
..
معرفت اهلی دیر باب شفاعت قبریوه
«نادرون» اولسا غمی ایلر حکایت قبریوه
گونده اوچ نوبت ایدر اظهار حاجت قبریوه
شهریار ملک دین موسی الرّضایه السّلام
..
..
#رضویه #نادربابایی #رضویه_مدح #رضویه_شهادت #ترکی #زبدةالاشعار
نظر دهید