زبان حال حضرت زهرا (ع)
خطاب به دخترش
..
..
..
#سبک_بزم_عزاده_گیمیشم … #سبک_ممد_نبودی_ببینی … #سبک_ای_دلبر_آزادگان
..
..
..
مرحوم تائب تبریزی
..
..
..
..
گوز یاشوی ایتمه روان
آغلاما زینب آغلاما زینب
آغلاتما مظلومه آنان
آغلاما زینب آغلاما زینب
..
آغلاما آغلاما
سینه وی داغلاما
..
..
..
..
ای معرفت گنجینه سی ای ادب کانی
شرم و حیا آئینه سی چهر رخشانی
صبره صدف ای سینه سی فاطمه جانی
ایت شداید ده دایان آغلاما زینب
..
..
..
..
صبر ایله دلدن صیریوی چوخ تالاندیرما
اشکیله دولموش گوزلرین سن دولاندیرما
آهون اودیله قلبیمی بیله باندیرما
آهون ایدوب آتش فشان آغلاما زینب
..
..
..
..
ای نابغه قز سن منیم دل چکیدم سن
آرام جانیمسن منیم نور دیدم سن
زهرای ثانی سن سن اوز پروریدم سن
زهرا نشان زهرا بیان آغلاما زینب
..
..
..
..
کنز حیاده ای اوزی نازلی دردانه
شمع وفایه أی اولان روحی پروانه
حسرتله باخما صاق صولا چوخ یتیمانه
یاندیرما یاخما اوز آنان آغلاما زینب
..
..
..
..
مرضیه شیری اَممیسَن وار اثر سنده
مرضیه ام مرضیه اول من کیمی سنده
سنده گرک اولسون اولان هر صفت منده
زهرا روش لیق ویر نشان آغلاما زینب
..
..
..
..
ای زینب ای زینت آدون شیر یزدانه
فرزانه دختر سن قزیم شاه مردانه
هر بیر حوادثده دایان سنده مردانه
صابر اولار زینب اولان آغلاما زینب
..
..
..
..
هر دم بیر اوزگه حالته ای قزیم قالما
قلبیم یانوب اود تازه دن قلبیمه سالما
ای صبر سینم صبریمی سینه دن آلما
ایتمه آناوی باغریقان آغلاما زینب
..
..
..
..
گورّم پریشان حالیوی نازلی دردانه
منده پوزوللام دوندَرَر باغریمی قانه
اگلش یره وورسون آنان زلفوه شانه
ای جسمیمه روح روان آغلاما زینب
..
..
..
..
ای بحر عفّتده اولان گوهر یکتا
باغ ولایتده اولان سرو دل آرا
گلزار عصمتده اولان نوگل زیبا
اولما بهاروندا خزان آغلاما زینب
..
..
..
..
سولماق زمانون یتمیوب سن هله سولما
دوتقون بولود تک دوتولوب غم لره دولما
آز گوزلرون دولدور بوشات اشکبار اولما
مندن صورا چوخ آغلیان آغلاما زینب
..
..
..
..
اشگون آخیتما گل یوزه کوکبیم آخما
گیزلینجه گوز یاشون سیلوب گه منه باخما
حسرتله باخما قلبیمی یاندیروب یاخما
ای آهی قلبه اود سالان آغلاما زینب
..
..
..
..
چوخ غصّه ویرمه غصّه می دلده چوخلاتما
دردیم گراندور دردیمی چوخ آغرلاتما
آغلار گوزوم وار آغلیوب سنده آغلاتما
آغلاتما مظلومه آنان آغلاما زینب
..
..
..
..
عالمده نور دیدۀ حقّ بینیم سن
چرخ وقار و عزّته مه جبینیم سن
غم چکماقا مندنصورا جانشینیم سن
من سیز غمیله همزبان آغلاما زینب
..
..
..
..
مندنصورا اولماز بابان یار و غمخواری
قلبی سنقدور یوخ اولان کیمسه دلداری
اولماز هواداری اونون اول هواداری
قویما ملول اولسون بابان آغلاما زینب
..
..
..
..
من ئولمه میش چوخ آغلاما آز دل افگار اول
مندن صورا قاره گیین سن عزادار اول
هم نازنین اطفالیمه بیر پرستار اول
ایله آنالیق مهربان آغلاما زینب
..
..
..
..
باشوندا بو آینده ده چوخ بلا واردی
فریاد و داد و صحنۀ کربلا واردی
شور و نوایه ساحت نینوا واردی
بوردا ایدوب اشگون روان آغلاما زینب
..
..
..
..
تائب آدون ایلوب خانم ثبت دفترده
حتماً سنه امداد ایدر روز محشرده
چوخ خوش دوشوب اوّل سوزون ذکر ایله بیرده
آغلاتما مظلومه آنان آغلاما زینب
..
..
..
..
#فاطمیه #تائب_تبریزی #فاطمیه_شهادت #ترکی #زبدةالاشعار
نظر دهید