ازدواج حضرت امیرالمؤمنین (ع) با #حضرت_ام_البنین (س) ، ولادت حضرت ابوالفضل (ع) – #گریز به #امان_نامه
اولین ترکیب بند ( 12 بند ، 144 بیت ) مرحوم #انور_اردبیلی از #جلوه_عاشورا1
.
.
.
مرحوم #انور_اردبیلی
.
1
.
وار نیتیم وقایع دورانیدن یازوم
بیر شِکوه نامه عالم امکانیدن یازوم
.
آلام رویداد جهان بی شماریدور
حیرتدیَم نه مطلب و عنوانیدن یازوم
.
ابراهیمون عریضه ویروم سرگذشتینی
نمرود ظلمین آتش سوزانیدن یازوم
.
یا ثبت ایدوم سرآمد یحیانی دفتره
یا اشک ریز کلبۀ احزانیدن یازوم
.
یا شرح حال یوسف صدیقی نظم ایدوم
چاه بلا و محنت زندانیدن یازوم
.
درد کلیمی یا که مسیحا غمین دیوم
یا که حبیب حضرت سجانیدن یازوم
.
یا شرح ایدوم شهادت جانسوزِ محسنی
درد و ملال خیرة نسوانیدن یازوم
.
یا عرض ایدوم غم و محنِ بوترابیدن
محراب طاعته توکولن قانیدن یازوم
.
یا مجتبی مصائبنی ایلیوم عیان
زهر مؤثریله چیخان جانیدن یازوم
.
یا اینکه دشت کرب و بلایه چکوم سوزی
دلدادگان مکتب عرفانیدن یازوم
.
ای خامه همت ایله قوتاردی مقدمه
عباس تک مجاهد قرآنیدن یازوم
.
بولفضلیدور فضیلت ابوالفضل آدیندادور
ورد زباندی لذت ابوالفضل آدیندادور
.
2
.
#حیدریه_ازدواج
.
اثبات مطلبه گرک الده دلیل اولا
محکم شهودیله یازیلا سوز ثقیل اولا
.
واردور محل شبهه مگر بو روایته
بیر حالدا که روایته راوی عقیل اولا
.
بیرگون دیور بویوردی منه قارداشیم علی
بیر عورت ایستورم ایویمه تا کفیل اولا
.
شرط اول منزّه اولا خانواده سی
خویش و تبار و طایفه سی چوخ اصیل اولا
.
عورت اوزی محجبه پابند حکم دین
قدی کشیده صاحب خلق جمیل اولا
.
فکریم بودور که حق منیچون بیر اوغول ویره
یوم بلاده حامی آل خلیل اولا
.
ارباب حاجتون ایلیه حاجتین روا
درمانده لر گیدوب قاپوسندا دخیل اولا
.
پرچم گتورسه جعفر طیاره اوخشیا
عیناً شباهتی منه از هر قبیل اولا
.
صف سندیرا جهاد ایده سرلشگر ئولدوره
معناده آفرین دیَنی جبرئیل اولا
.
عشق حسینه روحینی اورگشدیرم اونون
آخر نفس حسین دیوب اوندان قتیل اولا
.
یتسه الی فراته حسین سیز سو ایچمیه
مشتاق حوض کوثر و یا سلسبیل اولا
.
آب روان نهره باخوب شرمسار ایده
تیپ مجاهد همتینه افتخار ایده
.
3
.
آگاه اولوب عقیل امامون مرامنه
جهد ایلدی یتورسون او سلطانی کامنه
.
بیربیر گزوب قبایل ملک مدینه نی
بیر قیز تاپوبدی لایق امامون مقامینه
.
بیر فرقۀ سعادت و عزت نتیجه ده
خوشبخت ایدوبدی فاطمه نون چیخدی نامنه
.
قویدی یوزون گلنده او پاک آستانیه
تسلیم اولوب یانان قاپونون احتشامنه
.
زوار اولوبدی محسنون اؤپدی مزارینی
یوزویردی اشک غصه دولوب چشم جامنه
.
باشلاندی عمرینون عظمتلی زمانه سی
عزت یتیشدی گوندوزینه صبح و شامنه
.
مجذوب اولوب علی قیزی صدیقه زینبون
سیر وسلوک و طرز و سجود و قیامنه
.
تفسیر ایدردی آیه خواتین یثربه
آگه قیلاردی خلقی حلال و حرامنه
.
روحاً اولاردی ام بنین بسکه شادمان
حمد و سپاس ایدردی خدای گرامنه
.
یارب دیردی ائتدون عجب بختور منی
چکدون کمینه بنده وی عزت مقامنه
.
خوش حالیمه منیم کیمه گور اولموشام آنا
بختیم هماسی شهپر آچوب عرش بامنه
.
توفیق اولوب رفیق یتیشدوم مرادیمه
زهرا ایوینده لطف ایت اولوم یاخشی خادمه
.
4
.
خدمتله جلب ایدوم حسنینون رضایتین
بیر مهربان کنیزی اولوم آل عصمتین
.
دورد گُل قویوب بتول بو منزلده یادگار
هر دورد نون یقین آپاروب قبره حسرتین
.
اما حسینه چوخدی علاقم بو قلبده
اوز منطقی حکایت ایدر اوز لیاقتین
.
بیر وعده ایلورم سنه ای حی ذوالجلال
افزون ایله بو جاریه نون قدر و قیمتین
.
لطف ایله بیر اوغول من حسینه غلام ایدوم
دوتسون گرامی مقدمنون خاک عزتین
.
#عباسیه_میلادیه
.
ام البنین دعاسینی حق ایتدی مستجاب
آرتوردی دودمان علیده شرافتین
.
چاتدی اوگون مرامه دوغوب ارشد اوغلونی
شیر خدایه مژده ویروبلر ولادتین
.
مولود اطهری اوشه آلدی قوجاقینه
باخدی معاینه ایلدی قد و قامتین
.
بی اختیار کوینگینون چیرمادی قولون
مد نظرده دوتدی نیستان مصیبتین
.
نوفل قلینجون یرینی اؤپدی آغلادی
تحریک ایدوب آتا – آنانون دلده رقتین
.
عرض ایلدی آقا ندور ایرادی آغلوسان
بو آغلاماقوون منه کشف ایله علتین
.
فرمایش ایتدی باخما منیم اشک و آهیمه
ایرادی یوخدی اوغلوون هیچ ایتمه واهمه
.
5
.
ذات یگانه گوهر اعلا ویروب منه
باغ ولاده نوگل زیبا ویروب منه
.
گر موته غزوسنده شهید اولدی قارداشیم
جعفر شبیهی ضیغم هیجا ویروب منه
.
بوش قویمادی جهاندا عموم حمزه نون یرین
حمزه کیمی دلیر و توانا ویروب منه
.
ممکن دگل بوصدق و صداقتده بیر اوغول
ویرسون جهاندا بیرکسه اما ویروب منه
.
عباس آدیلا سیز بالامون سسلیون آدین
بوالفضل ایدوب فضیلته دارا ویروب منه
.
چوخداندی بو ولادته من انتظاریدوم
مقصودیمی خدای تعالی ویروب منه
.
قویدی قدم جهانه حسینون کمک چیسی
علت اودور که قلبده یارا ویروب منه
.
احسن سنه مجاهد صالح دوغان آنا
جان آفرین نه پنجه لی عنقا ویروب منه
.
آل اوغلووی قوجاقووه صود ویرسن آغلاما
باخما منه که اوز غم عظما ویروب منه
.
نازیله بسله گوزله ایکی گوزلرون کیمی
حیّ قدیم گور نه مزایا ویروب منه
.
اما مواظب اول اوجا یردن یخلماسون
چون حق بو طفلی سالمُ الاَعضا ویروب منه
.
هر ساعتی که گلسه حسینیم سراقینه
گریاتمیش اولسا فوراً اویات ویئر قوجاقنه
.
6
.
ام البنین اولوبدی ابوالفضله دلنواز
باغ ولاده رشد ایدوب اول سرو سرفراز
.
شیر خدا مربی روحانیسی اولوب
بوالفضلنه فضیلتیله ویردی امتیاز
.
گاهی آلاردی سینه سنون اوسته مجتبا
منله دیردی گل دیله قارداش دانش بیر آز
.
گاهی آلوب قوجاقینه مظلوم کربلا
عشق عالمی قیلاردی ابوالفضله کشف راز
.
ای عشقمون اسیری منه عاشقانه باخ
دلداده مشتروندی سنون قیل حسینه ناز
.
آچ قولارون گورنده منی بوینما دولا
سن شوره گلدوقیجه چکوم آه جانگداز
.
قارداش دئ قارداشون سنه عشقیله جان دئسون
قوی رشک آپارسون عشقیمیزه عالم مجاز
.
ثابت قدم سن عشقده سنده حسین کیمی
حاشا اولا سنون کیمی سرباز پاکباز
.
غمدن قوتاردی لطف خدا آل هاشمی
گورمز سنون کیمی بیر اوغول یثرب و حجاز
.
خوش قامتون مجسمۀ صدق و سلمیدور
روحون ایدر اطاعتی معبودی پیشواز
.
اولاد مرتضی اولانون افتخاریدور
هم عاشق جهاد اولی هم عاشق نماز
.
بیز دل خوشوق عبادت و راز و نیازیله
پیمان ناگسسته نیمیز وار نمازیله
.
7
.
#عباسیه_مدح
.
عباسون حق چوخالتدی جلال وقارینی
عزت ویروب عزیز ایلدی روزگارینی
.
هر کوچه دن دوشردی گذاری مدینه ده
مردم چکردی مقدمینون انتظارینی
.
بعضی دیردی یول ویرون حیدر یریش گلور
آرام اولون زیارت ایدک گل عذارینی
.
بعضی دیردی زینب عجب اولدی بختور
یدّی وفالی قارداش آلوبدور کنارینی
.
بعضی دیردی پنجیه بازولره باخون
الدن آلوبدی هر باخانون اختیارینی
.
بعضی دیردی عابد صالح دیون بونا
تقدیس ایدر خضوعیله پروردگارینی
.
بعضی دیردی کاش ایویمه بو قوناق گله
صحبت ایده گوروم او لب لعل بارینی
.
چوخ اولمادی بوسوزلره افسوس مشتری
طوفان ایدوبدی پوزدی امامت بهارینی
.
یخدی ایوین جلای وطن ایتدی زینبی
کرب و بلایه چکدی حسینون قطارینی
.
#تاسوعا
#امان_نامه
.
روز نهم غروبه یاخین عالم هولناک
وحشت آلوب بنات حسینون قرارینی
.
شمر اولدی خیمه گاهه سرازیر تلیدن
ویردی محیط نوریده ظلمت شعارینی
.
قیلدی بیان منیم باجیم اوغلانلاری هانی
فرمان گتورمیشم اولارون آخماسون قانی
.
8
.
شمرون نداسی منعکس اولدی خیامده
تولید وحشت ایتدی حریم امامده
.
عباس اولوب اوپیر ضلالتله روبرو
عادل دایاندی ظالمیله بر مقامده
.
تسلیم ایدوبدی نامه نی شمر آچدی صحبتی
محبوبسن دیدی نظر خاص و عامده
.
علت اودور امیر ایدوب حقونده التفات
ویرمیش امان نویدی بو حکم گرامده
.
دور و چتین دگل یته فتح و ظفر سیزه
مغلوبسوز سوزی قوتاروم برکلامده
.
ال چک حسیندن آخر حسین ده نه گورموسن
غیر از ئولوم نه حاصلی وار بو قیامده
.
ویردی جواب شمره ابوالفضل نامدار
غفلت واروندی زندگی بی دوامده
.
سنله منیم نه رابطم ای اشقی الاشقیا
سن آیری بیر روشده من آیری مرامده
.
شامون سپاهینی گوزومه چکمه چوخ منیم
دعوانی ارزیابی ایده لّر ختامده
.
بیز فاتحوک ئولنده ده هم ئولدورنده ده
بیز حاکموک محاکمۀ انتقامده
.
ویرانه قویدی یثربی ظاهرده گر یزید
یثرب لیلر علم ویراجاق قلب شامده
.
طرد ایلدی اوظالمی قهر و عتابیله
قارداشلارین حضوره چاقوردی شتابیله
.
9
.
اوز خیمه سنده باشه یغوب ایتدی انجمن
گلدی دیله تأثرله باشلادی سخن
.
شمرون بو گلمگی منی ناراحت ایلیوب
روحیم ملالیدن سیخیلوب تیتریور بدن
.
قویمازدوم هیچ خیامه طرف تلدن انه
افسوس بیلمدوم او جفا پیشه دور گلن
.
گر ایسته سوز خجالت و شرمنده اولمیاق
فیضین بیزه عنایت ایده حی ذاولمنن
.
بیر شرطی وار شهامتیله صبح آچیل جاقین
اوّل گرکدی بوینوموزا بیز سالاق کفن
.
قارداشلاریلا صحبته مشغول او باوفا
زینبده بیر چادردا حسینیله هم سخن
.
وقر تمامیله آناسی فاطمه کیمی
دلدارلیق ویروردی امامه او شیرزن
.
عباسیمه گلوبدی امان نامه غم یمه
گتسه گیدوبدی قلبوه یوز ویرمسون محن
.
اما اینانمورام بیزی بوچولده تک قویا
سن سیز جهاندا بیر گون ایده عشق جان و تن
.
ایتسه حضوروه ایکی میز بر دانیشدیراق
گتسه بیلک علم گوتورَن یوخدی ایندی دن
.
بو آز سپاهیده ایله آزاد قالماسون
سرلشگرون گر اولماسا سربازی نیلوسن
.
شِبه رسول هاشمیه امر ایدوب امام
عباسه دئ حضوره سنی ایستیور بابام
.
10
.
حاصل خبر یتیشدی او شیر دلاوره
ال سینه ده یتوردی اوزون شاه محشره
.
سردارینه بویوردی حسین ای وفا سیَر
ایتدوم سنی بو علته احضار محضره
.
دعوا فقط بو چولده منیم باشیم اوسته دور
فرمان قتلیمی گتوروب شمر لشگره
.
گتسه بو آز قوشوندا اراده م سینان دگل
تنها قناعت ایلیرم اوغلوم اصغره
.
آخر گئجمدی لیلۀ قدریمدی بو گئجه
حمد وثنا گرک ایدم ﷲ اکبره
.
مندن مقیّد اولما گیدورسن سالوم یولا
ایله مسافرت اورگون ایئستین یره
.
قارداشلارون جوان، آناوون یولدادور گوزی
قالسوز گرک قتیل اولا سوز قوم کافره
.
الحق گلنده زحمتیمیز چوخ دگوب سنه
چوخ خدمتون یتوبدی بنات پیمبره
.
گتمک خیالون اولسا خداحافظ ایلیک
فکریم بودور گوزوندن اوپم گل برابره
.
ویر ال اله بیر آز ایکیمیز ال اله گیدک
شاید الیم یتیشمیه بیرده او اللره
.
بیرده گیدنده زینبله صحبت ایله گیت
سن سیز دوشر سحردن او مظلومه چوللره
.
ویردی جواب منده وارام سیز مرامده
گیت کلمه سین دیسون منه ئولّم خیامده
.
11
.
کرّارون اوغلی بنده فرّار اولان دگل
تسلیم نفس و نقشۀ اغیار اولان دگل
.
معشوقدن نه حکم یته صادق عاشقه
عاشق مطیع امردی بی زار اولان دگل
.
مرآت قلبیمه زبس عشقون ویروب صفا
زنگ حوادثاتیله زنگار اولان دگل
.
عباس اوزون بلور،سنه یبر کمترین غلام
خوشدور مقامی اوزگیه سردار اولان دگل
.
خوان کرمده مدت اولور ریزه خواروم
الطافوی گر ایلسم انکار –اولان دگل
.
بیر یول اوتوز بش ایلده دوشوبدور ایشوز منه
گر نقد جانی ایتمسم ایثار ، اولان دگل
.
بیر باشدان اوتری باش گوتوروم من گیدوم هارا
انصافیدن اوزاقدی بو رفتار اولان دگل
.
آغلاتما اهل بیتوی قورخوتما قیزلاری
نازلی رقیه دیده سی خونبار اولان دگل
.
باشیم سنون،گوزومده سنون،جان سنونکیدور
بیر آیری کس بو جنسه خریدار اولان دگل
.
تقصیریم اولسا اکبره خاطر گذشت ایله
مولا غلامه اولماسا غم خوار اولان دگل
.
قالسام دیری ننم صودینی ایلمز حلال
نوکر ویروبدی منکر اقرار اولان دگل
.
کشف ایلدی حضور امامه اورک سوزون
اوندان صورا دوتوبدی خانم زینبه یوزون
.
12
.
ای ذات پاکی عالمۀ بی معلمه
وی رتبه ده آناسی ایدن فخر مریمه
.
عباسوی گورنده اولاردون همیشه شاد
آخر سبب ندور بیله پیچیده سن غمه
.
جرمیم ندور نیه منی دیندیرموسن باجی
ائتمورسن هیچ نظاره بو پوزوقون قیافیه
.
یولاردا آلتی آیدی جلودارون اولمیشام
خوشدور بو خدمتیم تاپا عزتله خاتمه
.
دور بیر شفاعت ایله آقام قووماسون منی
عالم بلور شفاعت ایدن سیزسوز عالمه
.
زینب گوروبدی قارداشی عباسی ناگران
فوراً ایاقه دوردی او علیا مکرمه
.
قولارین آچدی سالدی ابوالفضل بوینونا
سینونده که غمون دیدی گلسون بو سینمه
.
قدون خم ایله بوسه ایدوم سجده گاهیوه
عالمده دونمسون بو رسا قامتون خمه
.
سندنصورا مگر کیمی واردور حسینمون
لشگر داغیلدی صاحب اولان یوخدی پرچمه
.
قیلدون کمک بو چولده کمک سیز اماموه
اولدون مطیع اشرف اولاد آدمه
.
روح بزرگ فاطمه نی ایلدون رضا
حتماً سحر اوزون یتورر نهر علقمه
.
حقّمده گر کرم ایله سوز یابن العسکری
سالماز فشاره محنت ایام )انوری(
.
#وار_نیتیم_وقایع_دورانیدن_یازوم
#ترکی
#زبدةالاشعار #عباسیه #انور_اردبیلی
نظر دهید