یانیرام آتش هجرانیوه هر آن آنا جان #فاطمیه_جوانی_تبریزی

زبانحال حضرت زینب (س) در فراق مادر
..
..
..
#سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک
#سبک_ای_منیم_آرخام_ایلیم (با اضافه کردن واگیر)
..
..
..
کربلایی موسی جوانی تبریزی
..
..
..
..
یانیرام آتش هجرانیوه هر آن آنا جان
ایلیوب زینبوی غصّه پریشان آنا جان
..
..
..
..
فلکین گردشی یارای سخن مندن آلوب
سن ئولندن باشیما ابر محن سایه سالوب
گویرن صورتوین نقشی خیالیمده قالوب
زینبین قلبین او غم ایلدی شان شان آنا جان
..
..
..
..
ائوده محرابیوه بو دیده لریم کی ساتاشور
بحر محنت گلوری موجه آنا باشدان آشور
خیردا سنیمده یتیملق منه گور هیچ یاراشور
بو یتیمه قیزون اولسون سنه قربان آنا جان
..
..
..
..
آناسیز قیز سحر آخشام یوزه گوز یاشی الر
آه جانسوزی داشا دگسه یقین داشی بؤلر
بیر بئله غصّه ده آخر اورگی درده گلر
دیر ای کاش اجل درک ایده الآن آنا جان
..
..
..
..
فرقتون باعث اولوب صبح و مسا گوز یاشیما
تنگ اولوب وسعت دنیا باجیما قارداشیما
دست تقدیر سالوبدور قره معجر باشیما
آناسیز ائتدی منی دورۀ دوران آنا جان
..
..
..
..
یئری واردور آنام ایوای اولا هر لحظه سوزوم
درد هجرانیوه الله بولوری یوخدی دوزوم
در و دیواره باخاندا دولور اشگیله گوزوم
بیر سینق نی مثلی ایلورم افغان آنا جان
..
..
..
..
هامی اولاده مسلّمدی کی مشکلدی فراق
قیز اوشاقی ولی دؤزمز غم ائدر صبرینی طاق
طاقتین غصّه الیندن آلی تیترر ال ایاق
دلده کی دردینه ممکن دگی درمان آنا جان
..
..
..
..
اشگ چشمیم یوزومه دانۀ مرجان تک آخور
یاندورور قلبیمی قارداشلارمون آهی یاخور
مرتضی حسرتیله قبضۀ شمشیره باخور
آه جانسوزی ائدور قلبیمی سوزان آنا جان
..
..
..
..
زینبم نار فراقوندا یانوب آغلیارام
سوز آهیله یارالی سینمی داغلیارام
اگلشوب ائوده سنه بزم عزا ساخلیارام
نقدر عمروم اولا ورد ائلرم جان آنا جان
..
..
..
..
دیرم ای گل عمری سارالان لایلای آنا
جور اعداده جوان کن قوجالان لایلای آنا
باشی آز سنیده غمدن آغاران لایلای آنا
غرق دریای محن گوز یاشی عمان آنا جان
..
..
..
..
یثرب عورتلری چوخ ظلملری گوردی روا
بی وفالر سنه بیحد ایلدی جور و جفا
دئمیوبلر آتا سیزدی بو دُر کنز حیا
ترک ایدوبلر او چتین وقتیده نسوان آنا جان
..
..
..
..
اُفّ اولا بیله مسلمانلارا ای دخت رسول
غاصبان اموی ائتدی سنی زار و ملول
اکتفا ایلمیوبلر فدکه قوم جهول
یاندیربلار قاپووی فرقه ی عدوان آنا جان
..
..
..
..
بانی اولدی بو سوزه «عافی» پاکیزه نهان
یازدی بوشعری «جوانی» ائلدی باغریمی قان
یوز قویوب درگهوه هر ایکیسی ناله کنان
ائله قسمت اولالار قبریوه مهمان آنا جان
..
..
..
..
#فاطمیه #جوانی_تبریزی #ترکی #فاطمیه_شهادت #زبدةالاشعار