سنی من یا علی محو جمال کبریا گوردوم #حیدریه_محمدرضاصادقی

در وصف حضرت امیرالمومنین (ع)
..
..
..
..
محمدرضا صادقی
..
..
..
..
سنی من یا علی محو جمال کبریا گوردوم
سنی غرق مناجاتِ خدایِ لایری گوردوم
..
سنی هریئرده گوردوم آچمسان مسجوده سجاده
قنوته ال آچان وقتده دیلونده ربنا گوردوم
..
سوزوم یوخ ائیلیوردون گویلره سیر و سفر لیکن
سنی من وحی ائوینده ائیلیین وقتده دعا گوردوم
..
کنار حجر اسماعیلیده ای صاحب زمزم
صفا و مروه ائیلردی سنه سعی و صفا گوردوم
..
سنی دامان مادرده سنی دست پیمبرده
سنی مولود کعبه ، قبله اهل ولا گوردوم
..
اولوبسان تابع ” يَـٰٓأَيُّهَاٱلۡمُدَّثِّر ” ای مولا
سنی ” السابقون السابقون ” من بر ملا گوردوم
..
اولان وابسته ای عهد السته روز ازّلّدن
سنی عاشقترین دلبستهء ” قالوا بلی ” گوردوم
..
سبب سن اولموسان کی آدم اولدی “عَلَّمَ الاسماء ”
سنی نوح پیمبر کشتیسینده نا خدا گوردوم
..
اگر موسی ید بیضائیلن گوستردی اعجازین
سنون هر نوک انگشتینده تقدیر و قضا گوردوم
..
سنون لطفوندی کی بی شک اولوب عیسی مسیحا دم
سنی هم عهد و پیمان با تمام انبیاء گوردوم
..
علی ای قهرمان بی مثالِ خندق و خیبر
سنون شأنينده تنها من کلام ” لافتی ” گوردوم
..
باذن الله ووراندا ضربه عَمرین باشینه، دیلده
تمام عالملری ” اهلاً و سهلاً مَرحَبا ” گوردوم
..
تلاوت ائیلین وقتده برائت آیه سین ، حقّا
سنی من آفتاب روشن بیت خدا گوردوم
..
” وَ سُبحانَ الّذی أسری بِعبدِه ” آیه سیندن من
سنی من لیلةُ المعراجه بیر بَدرُالدُّجا گوردوم
..
سنی باغِ ” اَلَم نَشرَح لَکَ صَدرَک” ده یا مولا
شکوفا گل کیمی مصداق ” مصباحُ الهدی ” گوردوم
..
سنی هم ” قُل کَفی بالله ” و هم ” وَالتّین وَالزّیتون”
وَ بیرده «لَیسَ لِلانسانَ اِلّا ما سَعی» گوردوم
..
محبت ایلدون از بس کی سن محتاج و مسکینه
سنی من سوره انسان دا عین ” هَل أتی ” گوردوم
..
قاپوندان بوش قیمتمز هر کیم اولسا من کیمی شیدا
نه چون کی من سنی آئینه مهر و وفا گوردوم
..
غفورزاده کیمین شخصین ، شعاریندن آلوب الهام
بئله بیر ترجمه قیلماخلقی جانا سزا گوردم
..
اَلا مُولَی الموالی جانشین بر حقِ طاها
سنی تخت ولایتده اوتورماقدا بجا گوردوم
..
#حیدریه #محمدرضاصادقی #ترکی #زبدةالاشعار #حیدریه_مدح