اکبر ای مه پاره قارداش باخ سولان رخساره قارداش #حضرت_صغری_فصیحی

زبانحال حضرت صغرا (س) با حضرت علی اکبر (ع)
در خروج از مدینه
..
..
..
#سبک_ای_ویرن_ویرانه_یرده … عمه بو ویران سراده … استخاره کردم امشب …. گلپونه ها …
..
..
..
فصیحی
..
..
..
..
اکبر ای مه پاره قارداش باخ سولان رخساره قارداش
سالما صغرانی نظردن دردیمه قیل چاره قارداش
..
..
..
..
گل حذر ایله سفردن آیریلقدان بی قرارم
هجر اوتوندا یانمیشام بس واردی قلبیمده شرارم
وئرمیشم الدن آنامی من اورکدن داغدارم
سن هله وارسان وطنده باخ بو داغداره قارداش
..
..
..
..
مرگ مادردن دگوبدی قلب زاره کاری یاره
نه آنام بیرده دیریلمز نه اولار دردیمه چاره
سنده مندن آیریلورسان نیلیوم من بختی قاره
یاره لنمیش قلبه ویرما تازه دن سن یاره قارداش
..
..
..
..
گئتمه قال شاد ایله دلدن بو دل ناشادی اکبر
نه روا سن سیز اوجالسون باجوون فریادی اکبر
قالماسون منلن وطنده ئولمگیم اولادی اکبر
احتیاجیم وار بیلورسن سن کیمی غمخواره قارداش
..
..
..
..
آیریلوب مندن گئدورسن بی کس و بی یارم اکبر
کاش اولوب راحت ئولیدیم عمریدن بیزارم اکبر
نچّه مدتدور بیلورسن خسته و بیمارم اکبر
کیم با خار سن باخماسون بس من کیمی بیماره قارداش
..
..
..
..
گل لباس وصلی تندن رحم ایله صغرایه سویما
داغلانان قلبیم دوباره آیریلیق تیریلن اویما
باجوام طوی آرزوم وار طوی اوطاقون باغلی قویما
هر قاپی باغلانسا آیا کیم گلر دیداره قارداش
..
..
..
..
فکر ائدردیم طوی ائدرسن سرفراز اولّام او طویدا
هیچ کیمه سرّون دئمزسن اهل راز اولّام او طویدا
دل شکسته بیر قیزام من دلنواز اولّام او طویدا
افتخاریله قوشولّام او گلن قزلاره قارداش
..
..
..
..
کیم دئدی ای مهربانیم درد بی پایانی قوی گئت
دل پریشان دیده گریان غملی بیر نالانی قوی گئت
بوش اوطاقلاردا مریضه بینوا صغرانی قوی گئت
قالسون حسرت بسترینده سن کیمی دلداره قارداش
..
..
..
..
گل منی سالما سن آیری گلستانیمدن گلومدن
گلشنیمدن بلبلومدن سوسنیمدن سنبلومدن
ائل قبیله گئتسه سنلن کیم دوتار آیا الیمدن
لااقل همراهوز اولسام قالمارام آواره قارداش
..
..
..
..
سن بو گون ترک ایلیورسن یثرب و بطحانی قارداش
قبریده آغلار قویورسان حضرت زهرانی قارداش
باری تنها قویما قالسون بو باجون صغرانی قارداش
هم ردیف ایله اماندی عترت اطهاره قارداش
..
..
..
..
رباعی:
على فراقون اودیلان باجون اولوب یولداش
غذا جگر قانیدور شربتیم گوزومده کی یاش
نه وار گلن نه گئدن اولمیشام وطنده غریب
نیه عیادتیمه گلموسن علی قارداش
..
..
..
..
#حضرت_صغری #فصیحی #خروج_مدینه_فصیحی #ترکی #زبدةالاشعار