خزان گیدر گلون آرتار صفاسی بایرامدا #حضرت_ام_البنین_غفاری_زنجانی

عید نوروز و گریز به حالات حضرت ام البنین علیها سلام
آمدن مرد عرب به آستان مقدس باب الحوائج، حضرت ابوالفضل العباس(ع)
..
..
..
..
حاج اکبر غفاری زنجانی
..
..
..
..
خزان گیدر گلون آرتار صفاسی بایرامدا
اولار طراوت و زیبا نماسی بایرامدا
..
بهشت عطری مشامه گلر گلستاندان
صفا ویرر دله باغون هواسی بایرامدا
..
هزار شوقیله بلبل اوخور گل اوستونده
اولار ترانه ی خوش دلگشاسی بایرامدا
..
لباس تازه گیوب مرد و زن اولار مسرور
اورکلرون اولی غمدن رهاسی بایرامدا
..
دیلّه بیربیرینه تهنیت محبتله
گوزلدی اهل دعانون دعاسی بایرامدا
..
نه خوشدی که فقرادنده بیر گوروش اولونا
که اللهون اله گلسون رضاسی بایرامدا
..
اماندی چخمیا یاددان یتیم و بیوه زنان
اولار بو خیر عملین خوش جزاسی بایرامدا
..
او اغنیالری الله یقین عذاب ایلر
فقیره اولمیا بیر اعتناسی بایرامدا
..
نه خوشدی اولسا رعایت عزالیلر حالی
چوخ ایوده وار هله ده غم بناسی بایرامدا
..
گیچوم سوزی گنه ده دلده محنتیم آرتور
سیزلیور گنه قلبیم یاراسی بایرامدا
..
دوشنده یاده وفالی آناسی عباسین
ورار نهادیمه اود ماجراسی بایرامدا
..
دیلّه عید گونیدی او شهر یثربده
نه عید آل عبانون عزاسی بایرمدا
..
هاموسی یاسلیلار ام البنین ایویندیدی
هامی عزالی باشندا قراسی بایرامدا
..
هره سی ئوز گلونی اوخشیاردی آغلاردی
اورک یارالارینون یوخ دواسی بایرامدا
..
بیری دیردی منیم دوغرویوبلا اکبریمی
خم ایتدی قدیمی قدّ رساسی بایرامدا
..
بیری دیردی منیم اوخلانوبدی صود امریم
باشیمدا واردی بو غمدن قراسی بایرامدا
..
بیری دیردی منیم قاسمیم باتوب قانه
عزا دوتوب اونا آغلار آناسی بایرامدا
..
قاپو چالوندی هامی بحر فکره مستغرق
هامی اورک دولی دلده نواسی بایرامدا
..
گوروبله سائل باب کرمدی حاجتی وار
گلوب عطا آلا شاهین گداسی بایرمدا
..
ولیک حیف اولا سالم دگول ایوین آقاسی
دوتوبدی ماتم اونا اقرباسی بایرامدا
..
بو ماجرا غم ام البنینی آرتوردی
اوجالدی عرشه اوغول وای صداسی بایرامدا
..
دیردی هارداسان عباس سائلون گلدی
گل ای اولان فقرایه عطاسی بایرامدا
..
دیردی گل بالا یول گوزلور اوغلون عبدالله
اورکده محنت بی انتهاسی بایرامدا
..
لباس تازه اماندی گل آل اوغول بالاما
که یانّام اولماسا تازه لباسی بایرامدا
..
ولی دیوله سنون گلمگون دگول ممکن
منیمده دردیمون اولماز دواسی بایرامدا
..
ئولونجه بو آقاران زلفمه حنا قویمام
گرک غبار غم اولسون حناسی بایرامدا
..
دیوله قولسوز اوغول دوشموسن یوزون اوسته
آقارتدی زلفمیی باشون بلاسی بایرامدا
..
سن آغلا محنت ام البنینه «غفاری»
سنه نظر قیلا دورت مه لقاسی بایرامدا
..
..
..

#حضرت_ام_البنین #غفاری_زنجانی #ترکی #زبدةالاشعار #عید_نوروز #بهاریه