گیت علی لیلایه باخما توکمه گوزدن یاش اوغول #اکبریه_کهنمویی

وداع حضرت علی اکبر (ع)
..
..
..
..
..
مرحوم کهنموئی
..
..
..
..
..
گیت علی لیلایه باخما توکمه گوزدن یاش اوغول
بو دیار کربلاده سن ویر اوّل باش اوغول
..
..
..
..
..
لیلی عالمده بیلورسن سرفرازوندور سنون
بو یول اوسته غملو گوگلوم نغمه سازوندور سنون
بوردا اوّل قانه باتماخ امتیازوندور سنون
باشوه قوی اشگ چشمی ایلیوم شاباش اوغول
..
..
..
..
..
توکمه رخساره سرشگ چشمی گوزدن آغلاما
سن مسافرسن گرک من آغلیام سن آغلاما
ناگران اولما بو چولده سنده مندن آغلاما
چوللری حیران گزر آردونجا بو کلباش اوغول
..
..
..
..
..
گیت اوغول گورسه سنی لشگر دیسون اکبردی بو
خَلقاً و خُلقاً رسول اکرمه بنزردی بو
ایتمروخ بیز جنگ پیغمبرله، پیغمبردی بو
لیک درک ایتمز ایشیق گون دیدۀ خفّاش اوغول
..
..
..
..
..
گول فراق بلبلی وصل گله مشتاق ایدر
لیلینی مجنون کیمی غم شهرۀ آفاق ایدر
بو قزل گل دسته سین تل تل یولار اوراق ایدر
بیر جماعت بی سروپا ، بیر بولوک اوباش اوغول
..
..
..
..
..
جان ویروب نائل اولورسان چوخ بیوک بیرمنصبه
منده یوخ تاب و توان اما غم روز و شبه
گل آپار تاپشور آنان لیلینی عمّون زینبه
دورما تأخیر ایلمه میدانه گیت بیر باش اوغول
..
..
..
..
..
بیر یارانمشدی بو صورتده رسول نامدار
بو وجاهت بو ملاحت بو گوزللّوخ کیمده وار
عالمی حیران قویوب صنعتده حیّ کردگار
بو جمالین نقشه سین طرح ایلین نقّاش اوغول
..
..
..
..
..
گوز گورور سن تک سوسوز قربانی قانلو مقتلی
دل دیور دورما دایانما گیت بو میدانه علی
آیرولوخ مشکلدی ،باللّهی، اورک دوزمور ولی
من ئلیدیم بوندان اوّل بیرگونی ای کاش اوغول
..
..
..
..
..
تیر مرگه بیلمورم لیلا نیه توش اولموری
حُسن رفتارون سنون بیر آن فراموش اولموری
شعله ور دور نار هجران دلده خاموش اولموری
سو سپر گوزدن نقدری دیدۀ نم پاش اوغول
..
..
..
..
..
عاشق ایستر شرح صدری سینۀ تنگ ایستمز
مرکب رهواری ایستر عشق پالنگ ایستمز
رنگ روی زرد قاندور آیری بیر رنگ ایستمز
قانوی یاخسا یوزه لیلا اولار بشّاش اوغول
..
..
..
..
..
سن بیله بیلمه آنان هجران غمین آسان سانور
نار فرقتده وجود لیلی سرتاسر یانور
هر قدر صبر و تحمّل ایلوری دل اوتلانور
گوز یاشی دلده اولان اسرارین ایلور فاش اوغول
..
..
..
..
..
«کهنموئی» ایله تقوا آرتور اوز معیاریوه
حق ویرر توفیق حق سوزلر گلر افکاریوه
نوحه خوان «طهباز» اولوب بانی سنون اشعاریوه
شاه بیته ایلدی شرکت اولوب یولداش اوغول
..
..
..
..
..
#اکبریه #کهنمویی #ریاضی_تبریزی #اکبریه_شهادت #اکبریه_وداع #ترکی #زبدةالاشعار