دور قبریدن اماندی بغداده گل آناجان #جوادیه_نوروزی_نوین

زبانحال امام جواد (ع) درهنگامه شهادت با حضرت زهرا (س)
وحالات آن بزرگوار بعد از شهادت
..
..
..
..
#سبک_احوالیمیز_یاماندی … 10 سبک … #سبک_قان_یاغدی_کربلایه ..
مشابه
..
..
..
علی نوروزی نوین
..
..
..
..
..
دور قبریدن اماندی بغداده گل آناجان
احوالیمه نظر قیل فریاده گل آناجان
زهرجفا سالوبدی دیلدن یانور وجودیم
غربتده بو غریبه امداده گل آناجان
..
ایوای یارالیم من
ائلدن آرالیم من
..
..
..
..
..
داد ام فضل الیندن سالدی منی ایاقدان
قانی جگرلریمین گل باخ آخور دوداقدان
وارتشنه بیر قوناقیم جدیم حسین گلوبدی
سن سو گتور گلنده شرمندیم قوناقدان
..
..
..
..
..
گوزوم یولوندا قالدی آنا گل ایله چاره
ایشقلی گون گوزومده گل گور اولوبدی قاره
هم تشنه هم یارالی تیز گل آنا یوبانما
احوالیمی بولن یوخ اکبادیم اولدی پاره
..
..
..
..
..
جدّیم رسول اکرم هم مرتضا گلوبدی
هم تشنه لب حسینون هم مجتبا گلوبدی
سقا عموم ابوالفضل فریادیمه یتیشسین
بیر جام سو الینده صاحب لوا گلوبدی
..
..
..
..
..
چکدیم نلر بو مدت اللهدور گواهیم
اوج ایلیوبدی عرشه سوز و گداز وآهیم
غربت غمین چکردیم قویسیدی گر عیالیم
اوز منزلیم اولوبدی ظلمیله قتلگاهیم
..
..
..
..
..
گلزار دینه اسدی ظلمیله باد محنت
آغلا (نوین) سیزیلدا سولدی گل امامت
یعنی رضا بالاسی لب تشنه جان وئروبدی
ملعون عیالی ایلوب بو بیکسه خیانت
..
..
..
..
..
گل تک جوانلیقیندا عمرون بهاری سولدی
بو غصه دن بتولین قلبی ملاله دولدی
ای کاش دوریدن بو چرخ جفا دوشیدی
مظلوم امام بامه تشییع جنازه اولدی
..
..
..
..
..
حیران بو جور وظلمه اهل ولا قالوبلار
بام اوسته اللرینه گل پیکری آلوبلار
ای صاحب زمانه معذور دوت بو زاری
گل پیکر امامی گویدن یره سالوبلار
..
..
..
..
..
ظلم اهلینون جفاسی سالدی بو قلبی درده
قلبین قانی گوزومده سالسین گرکدی پرده
قان آغلاسام بو غمده آزدور گوزوم چوخ آغلا
جدی حسین مثالی جسمی قالوبدی یرده
..
..
..
..