ماه رحمتدور خدا شوق عبادت ویر منه #مناجات_علیرضا_عباسی

رمضانیه
.
.
علیرضا عباسی (احسان)
.
.
ماه رحمتدور خدا شوق عبادت ویر منه
عاصیم دیلده امید عفو و رحمت ویر منه
.
ای خداوند عزیز و قادر و عز وجل
جهلیدن آزاد ایله عالمده عزت ویر منه
.
جاهلم جهلیم ائدیب دیر عقلی ظلمتده اسیر
یول قرانلوق ایتمیشم چشم بصیرت ویر منه
.
خواهش نفسیم منی سالدی حضیض ذلته
نفسی مغلوب ایتمگه مردانه قدرت ویر منه
.
ناتوانم عاجزم چوخدور قصوریم ای خدا
یوخ دوتان الدن اؤزون دست حمایت ویر منه
.
ماه احساندور آچوبسان سفرۀ احسان یره
خوان احسانینده مهمان ایله نعمت ویر منه
.
عمر کچدوقجا گناهیم گون به گون اولدی فزون
توبیه مشمول ایله دنیاده فرصت ویر منه
.
بنده لیق زیبندۀ شأنیم دگیل مخلوقیوم
خالقیم، عبد اولماقا بیرده لیاقت ویر منه
.
خیر عمل یوخ کارنامه مده ندامت ثبت اولوب
ای مربی نمره لر منفیدی مثبت ویر منه
.
جرعه نوش ساغر عشقم ولایت پیشه ام
مست و مستم باده ی قرآن و عترت ویر منه
.
مرده روحی ایلین احیا ولایت عشقیدی
آلگیلان دلده نه وار عشق ولایت ویر منه
.
گیمدیم هرگز لباس زهد و تقوا اگنیمه
آل طاها عشقینه یا رب شرافت ویر منه
.
آند ویرم اولیاء و انبیاء اعظمه
درگه پاک حسینیده بصیرت ویر منه
.
قیل نظر شش گوشه قبری اؤلمه میش بیرده اوپوم
کوی یاری گورماقا بیر یولدا مهلت ویر منه
.
عالم خاکی منه ویرسن اونا یوخ رغبتیم
بیر اووج کرب و بلادن قانلی تربت ویر منه
.
دردینه چونکه دوا «احسان» او یردن اخذ ایدیب
باشدا وار شور حسین شوق شهادت ویر منه
.
.
#مناجات
#رمضانیه
#ماه_رحمتدور_خدا_شوق_عبادت_ویر_منه
#علیرضا_عباسی
#ترکی
.