چون اهل کوفه کوفه ده دوتموشدی عید خون #کوفه_افسرده

ورود اسیران کربلا به شهر کوفه
..
..
..
..
افسرده
..
..
..
..
چون اهل کوفه کوفه ده دوتموشدی عید خون
قانین هدر دوتوبدیلا پیغمبر اوغلونون
..
باغلیردی چاره ساز اوزونه راه چاره لر
آت اویناداردی وجدیله بعضی سواره لر
..
پیغمبرین بالالارین ایتمشدیلر اسیر
محمل لر اوسته قرخا یاخین بخت قاره لر
..
غربال دیده دن اَلَه دی اشگی اهل بیت
دگدی او دم که قانلی باشا خشت پاره لر
..
یابن الحسن بو بیتیمه معذور دوت منی
قانه بویاندی باشدا اولان قانلی یاره لر
..
عمه ن ده ووردی ئوز باشینی چوب محمله
آز قالدی سرنگون اولا دارالعماره لر
..
باشلار جدالر اوسته گزردی چومهر و ماه
آی دوره سینده جمع ایشقلی ستاره لر
..
ایلردی اهل کوفه ده احیای انقلاب
هر سمته که دؤنردی شکسته کجاوه لر
..
اوضاع شهری پوزدی علی اصغرین باشی
آغلاشدیلار قوجاقدا اولان شیرخواره لر
..
از بس که خرداجا بالالار ویردی سس سسه
ایولرده ایتمدی حرکت گاهواره لر
..
آیا نه نوع تاب ایلدی بینوا رباب
موج ایلدی اورکده غم بی شماره لر
..
باخدی حسین قزلارینا کوفه قزلاری
گوردیله واردی بعضی قولاقلاردا یاره لر
..
پوزقوندی زلفلر بلشوب توپراقا قانا
حِس ایتدیلر که غارت اولوب گوشواره لر
..
عورت لرین چوخی سوزین اظهار ایدنمه دی
بیر بیرلرینه ایتدیله بعضی اشاره لر
..
یعنی باخون بو قافله ده خردا قزلارا
آیا نه جرم ایدوبدیله بو ماه پاره لر
..
حتماً بو بینوالری غارت ایدوبدیلر
وار باشلاریندا چون لچک پاره پاره لر
..
ایوای بیزه بالا بالالار آجدیلار سوسوز
خندان گوروبله گل لرینی بو هزاره لر
..
«افسرده» شوق قبر حسین باشوه دوشوب
بیرگون سوئر بودلدہ کی حسرت شراره لر
..
اربابون ایستدی سنی ئوز توزلی قبرینه
قلبینده نقش باغلادی توزلی مناره لر
..
..