بابامین باشی طبقده منه میهمان گلوبدی #حضرت_رقیه_کریمی_مراغه_ای

زبانحال حضرت رقیّه (س)
در خرابه شام
..
..
..
..
..
مرحوم کریمی مراغه ای
..
..
..
..
..
بابامین باشی طبقده منه میهمان گلوبدی
نیه بس کوله باتوبدی دوداقیندا قان گلوبدی
..
..
..
..
..
قیزینا قوناق گیدنده آتالار نظافت ایلر
دانیشار گولر قیزیلان اؤپوشر محبّت ایلر
آتامین بو انکساری منی غرق محنت ایلر
ایله بیل کوسوبدی مندن بئله ناگران گلوبدی
..
..
..
..
..
بو بلالی باشین الله نقدر بلاسی واردی
هله یتمیوب تمامه گینه ماجراسی واردی
گنه اوخ دگن جبینده تازا داش یاراسی واردی
نه روا بو گل دوداقه دگه خیزران گلوبدی
..
..
..
..
..
بابا وئرماقا تسلّى اسرایه خوش گلوبسن
باشوویله باش چکوبسن فقرایه خوش گلوبسن
بابا، جان وئرور رقیّه بو عزایه خوش گلوبسن
داغیلوبدی آشیانیم گولومه خزان گلوبدی
..
..
..
..
..
گئدوب عزّتیم الیمدن بو گونه قالان قیزام من
بو خرابه گوشه سینده سارالوب سولان قیزام من
بابانین یارالی باشین قوجاقا آلان قیزام من
دوتولان آییم فلکدن منه ارمغان گلوبدی
..
..
..
..
..
بو یارالی باش ای عمّه منی چوخ آلوب قوجاقه
آلارام بونی قوجاقه قویارام دوداق دوداقه
یاپیش اللریمدن عمّه کومک اول دوروم ایاقه
منی باشینه دولاندیر شه انس و جان گلوبدی
..
..
..
..
..
دیدی چوخ دیدی یورولدی یخیلوب دوشوب نفسدن
دایانوب قطار هستی کسیلوب نوا جرسدن
پر آچوب او خسته روحی قوتولوب سینیق قفسدن
نه دیوم اسیر عشقه بئله امتحان گلوبدی
..
..
..
..
..
گلوب آه و زاره زینب بالانی قوجاقه آلدی
ایپی قوللاریندان آچدی اونی رو به قبله سالدی
اوخودی امام یاسین هامی ناله لر اوجالدی
نجه یاس امام چارم اورا عرشه خوان گلوبدی
..
..
..
..
..
آناسی دیدی ائلیمدن آرالی رقیّه م ایوای
علی اکبرین عزیزی مارالی رقیّه م ایوای
بدنی یوزی قولاقی یارالی رقیّه م ایوای
گوزون آچ وفالی عمّه ن سنه نوحه خوان گلوبدی
..
..
..
..
..
دئدی حسرتیله زینب گوزه لیم رقیّه لای لای
اولان ازبریمده شیرین غزلیم رقیّه لای لای
سنی تاپشیرار مزاره اوز الیم رقیّه لای لای
بو خرابه خلق اولاندان سنه گلستان گلوبدی
..
..
..
..
..
بو خرابه ده جفادن سارالوب سولان رقیّه
یل اسنده توزلی زلفین داریوب یولان رقیّه
قوری یرده قاره توپراق گوزونه دولان رقیّه
گوزون آچ نه شمر ظالم نه ده ساربان گلوبدی
..
..
..
..
..
یتیشور اجل «کریمی» چمنون خزانه دوندی
قوجالیق غم اولدی قدّون اگیلوب کمانه دوندی
دگیشیلدی وضع عالم او گیچن زمانه دوندی
آقا لطف ائدوبدی طبعون گنه ده روان گلوبدی
..
..
..
..
..