دیر راهب
..
..
..
..
..
مرحوم ثابت اردبیلی
..
..
..
..
..
ای کلیسانی چراغان ایلین سلطان دین
گوزلریم قربان سنه احیا اولوب قرآن دین
..
..
..
..
..
راهبی سالما نظردن ملک عقباده حسین
دینه خدمت ایلدون قانیله دنیاده حسین
سربلند ایتدون منی دیر کلیساده حسین
ای اولان مردانه بیرگونده سوسوز قربان دین
..
..
..
..
..
حضرت عیسی دولاندی باشوه قان آغلادی
فاطمه جان تک اؤرک باشینده باشون ساخلادی
روضه خوان اولدی محمّد کایناتی داغلادی
قانویلن تاپدی رونق یا حسین سبحان دین
..
..
..
..
..
کیم کسوبدور باشیوی دلبند زهرا یا حسین
آزدی مین دفعه فدا اولسا سنه ترسا حسین
سن کلیساده ایدوبسن محشری برپا حسین
پایدار اولدی همیشه قانیلن رحمان دین
..
..
..
..
..
اى على المرتضانون نورچشمی گل دیله
بیر دانش راهب آماندور قویما دوشسون مشکله
گلدى زهرا زلفلریله لبلرون قانین سیله
ثابت اولدی کافرانه مذهب ایمان دین
..
..
..
..
..
یوخ لیاقت راهبون اؤپسون بوغازوندن حسین
آغلادوم من بو گجه راز و نیازوندن حسین
انبیالر باش آچوب صوت حجازوندن حسین
قانیلن امضاء اولوندی گور نجه پیمان دین
..
..
..
..
..
سن که پیمان حقیقت باغلادون اللهیلن
گون کیمین باتدون حسین جان بیر ایشقلی ماهیلن
جنگ ایدوبسن کربلاده فرقۀ گمراهیلن
آشکار اولدی سراسر عالمه ارکان دین
..
..
..
..
..
عاشق الله سن عشقون منی بی تاب ایدوب
اهل بیتون ظلم اعدایه نه نوعی تاب ایدوب
شاهزاده قزلارون تپراقون اوسته خواب ایدوب
تا آچلسون یوم محشر یا حسین دیوان دین
..
..
..
..
..
ثابتا عشق حسین ابن علی دن دویمادون
آل طاهایه یازوب خط جلیدن دویمادون
باشی منشق حیدر کرار علی دن دویمادون
ایلیر اودّان رها محشر گونی سلطان دین
..
..
..
..
..
ای کلیسانی چراغان ایلین سلطان دین #دیر_راهب_ثابت_اردبیلی
نظر دهید