خطاب به مدینه
بعد از شهادت حضرت زهرا(س)
..
..
..
..
مرحوم حافظی تبریزی
..
..
..
..
مدینه قالدی زهرادن صورا سنده علی تنها
اورک داغلی قاپوم باغلی کمکسیز آه و واویلا
..
مدینه یاندی درگاهیم یادوندا وار نلر اولدی
نجه شورش اولوب برپا نجه ایجاد اولوب بلوا
..
مدینه دودمانیمدن نجه عرشه دومان چخدی
دومانلی داغ کیمی دلده دومان وار ایمدیده حتی
..
مدینه گور چخار یاددان یانان ساعتده کاشانم
یارالاندی کبوترلر سیاقدا شهپر زهرا
..
مدینه نیلمیشدوخ بیز بو أمّت آدلی ببر جمعه
مگر کرّات تأکیداً سفارش ایتمدی طاها
..
مدینه قلعۀ خیبر آچان آل باغلانوب جبرأً
منی بیعتدن اوتری مسجده جلب ایلدی اعدا
..
مدینه فاطمه گوردون نچه مدّت مریض اولدی
دوشوب بیر درده که درمان او درده اولمادی پیدا
..
مدینه ایو عوض اولدی دگیشدی وضع عادیسی
اوشاقلار غصّیه دوشدی سارالدی چون گل رعنا
..
مدینه عاقبت سنده الیمدن فاطمه گیتدی
چراغ محفلیم سوندی گوزومده تار اولوب دنیا
..
مدینه خردسال اطفال باشسیز قالدی تک ایوده
سحر آخشام اولوب گوز یاشلاری موجه گلن دریا
..
مدینه چوخ گونوم آغلار گچور زهرا گیدن گوندن
اولوبدور بیر غمیم یوز یوز غمیم مین مین غمیم عظما
..
مدینه ئولمورمده قورتولام تا درد الیندن من
چکردیم چاره سیز گلسیدی سانه درد جان فرسا
..
مدینه ایوده گوندوزلر گجه زهرا مزارینده
گچر آغلار گوزومده روزگاریم چون شب یلدا
..
مدینه سن پیمبر شهری سن اما قیزی زهرا
اولوب محروم حقّیندن گوروبدی حدّ سیز ایذا
..
مدینه تازیانه یرلرین سنلن معاً گوردوق
ویرنده نصف شب غسلون چکوب سس آغلادی اسما
..
مدینه هیچ منه گؤسترممشدی زخم مسماری
توخوندی سو آچلدی قان آپاردی قلبیدن یارا
..
مدینه گلمیوب گلمز تایی دنیایه زهرانون
حیالیدی حیالیدی حیالیدی او مه سیما
..
مدینه سنده گورّم قنفذى حالیم قاپار تغییر
قصاصه قدرتیم وار یوخ الیمده اختیار امّا
..
مدینه آرخاسیز قالدیم کمکسیزلر سیاقندا
گجه گوندوز پریشان دل گوزوم یاشلی یتیم آسا
..
مدینه بیر نفر یوخدور دییم بیر شمّه دردیمدن
بلوب محرم دیدیم چاهه یانوب احوالیمه صحرا
..
مدینه قلبیمی بیر سوز دلور اوخ مثلی صبح و شام
تاپا تخفیف دردیم ایلورم سرّی سنه افشا
..
مدینه باش آچوخ نامحرم ایچره محرمی گورماق
ئولومدن سختدور غیرتلی اشخاصه بُلر دانا
..
مدینه قوی گیچوم سوز قبره گیتسون پرده لی دلده
دوشر اوت قلب آفاقه کفایتدور بو بیر ایما
..
..
..
..
مدینه قالدی زهرادن صورا سنده علی تنها #فاطمیه_حافظی_تبریزی
نظر دهید