در سوگ مادر یا پدر (1)
.
✍️ زبدة الاشعار ✍️
?: @nohe_torki
.
حاج اصغر فرشچی (عدلی تبریزی)
.
آنام
فلکده واردی چوخ عداوت
گلشن پوزوبدی یوخ طراوت
گل تک سنی پرپر ایدوبدی
ویردی قلوبه چوخ جراحت
.
آنام آنام آنام آنام وای …
.
.
آنام
سن مظهر مهر و محبت
ظلمتده نور شمع هدایت
آچدون بیزه دین مکتبین سن
اولدون مدد کار ولایت
.
.
آنام
سندن گیدوب ایوین صفاسی
ایشیق سنوب غمدی هواسی
سنی بو ایوده گورماق اولماز
گل یوخیه قبرون فداسی
.
.
آنام
بالالارین سوین آنایدون
گویوللرینی کاش آلیدون
گلوب بالالارون گورنده
گیتمیدون ایوده قالیدون
.
.
آنام
خزانیمیز گلسن بهاردی
سنسیز گونوز چون شام تاردی
دل ذکریمز ایوای آنان وای
بو داغلی دیللر بی قراردی
.
.
آنام
سندنصورا ایوه گلنده
بوش یریوی سنون گورنده
گویول سنی ایستور همان دم
اورک یانور آنا دیینده
.
.
( عدلی )
مست می ِغفلت آیولماز
بند اولسا بیر مشگل آچولماز
بیر دردیدی اولوم او دردین
درمانی یوخ چاره تاپولماز
ــــــــــــــ
(1) آنام ↔️ آتام
.
.
#سبک_ایران_اگر_دل_تو_را_شکستند
.
#پندیات_ختم_خوانی
#پدر #مادر
#آنام_فلکده_واردی_چوخ_عداوت
#آتام_فلکده_واردی_چوخ_عداوت
#عدلی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید