دائماً دیلده آدون ازبردی یا حیدر مدد #حیدریه_حضرتی_ناعمی

مدح حضرت امیرالمؤمنین (ع)
.
✍️ #زبدةالاشعار ✍️
.
🆔: @nohe_torki
.
علیرضا حضرتی (ناعمی)
.
دائماً دیلده آدون ازبردی یا حیدر مدد
عرش اعلایه آدون زیوردی یا حیدر مدد
ماسوادن عزّتون برتردی یا حیدر مدد
عشقیوی شیدا اورکده بسلرم یا مرتضی
تا نفس وار پیکریمده سسلرم یا مرتضی
.
.
مست جام کوثرم مستانه لیک خوشدور منه
شمع عشقیمدور علی، پروانه لیک خوشدور منه
عقلیدن ال چکمیشم دیوانه لیک خوشدور منه
قلبیمی نور ولایت ایلیوبدی منجلی
یوخدی بیر اؤزگه خیالیم فکر و ذکریمدور علی
.
.
علت خلقتدی بو عالملره تنها علی
ای قلم یاز یا علی، عشقه اولوب معنا علی
یا علی و یا علی و یا علی و یا علی
سسلرم بو ذکری چون عالمده عزتدور منه
وار حدیث عاشقی، بو ذکر عبادتدور منه
.
.
من علینون رخت عشقین پیکریمدن سویمارام
واردی میثاق الستیم، عهدی گؤزدن قویمارام
باش و جانداندا اگر دویسام، علیدن دویمارام
اسوۀ عشقیم بو یولدا میثم تماریدور
مدعی ئول شور و عشقیم حیدر کرّاریدور
.
.
.
#حیدریه_مدح
#دائما_دیلده_آدون_ازبردی_یا_حیدر_مدد
#حیدریه_حضرتی_ناعمی
#ترکی
.
✍️ #زبدةالاشعار ✍️
.
🆔: @nohe_torki