امان ظلم و عناد اشقیادن یا رسول الله! #الهادی_سیدبشیرحسینی

مرثیه امام هادی علیه السلام و #گریز به شهدای کربلا
.
.
.
سید بشیر حسینی میانجی
.
.
امان ظلم و عنادِ اشقیادن یارسول الله!
یورولدوم عاقبت جور و جفادن یارسول الله!
.
ندور سرّی کلامِ «البلاءُ لِلولا»، هئچ وقت
بلا آیریلمادی اهل ولادن یارسول الله!
.
وطندن آیری دوشدم بی نصیب اولدوم جواروندن
بو غربتده خبر یوخ آشنادن یارسول الله!
.
آتامدور جود دریاسی، آنامدور حُجب معناسی
اوزوم هادی، وصیّ ام اوصیادن یارسول الله!
.
بو مظلومیّتی آباء و اجدادیم کیمی منده
آپاردیم ارث آنام خیرالنسّادن یارسول الله!
.
ائشیتسه، نی نیستاندا نوا و ناله می بیر آن
مدام ایلر نوا، دوشمز نوادن یارسول الله!
.
گهی بزم شرابه ائتدیلر دعوت حیاسیزلر
سووق تر آخدی آلنیمدان حیادن یارسول الله!
.
گهی بیر شعبده بازه دئدیلر ایله سین تحقیر
جزاسین گوردیلر شیر خدادن یارسول الله!
.
منی یاندیردی یاخدی زهر اؤدیله معتزِ ملعون
نه سندن چکدی خجلت نه خدادن یارسول الله!
.
«حسن» اوغلوم باخور احوالیمه گوز یاش ائدور جاری
گویه ناله چیخوبدور سامرادن یارسول الله!
.
«علیّه» مهربان قیزدور منه آغلار یانایانه
قیز آغلار آیریلان وقته آتادن یارسول الله!
.
هامی آغلور منه من آغلورام شاه شهیدانه
یئری وار یاد اولا کرب و بلادن یارسول الله!
.
حسینه آغلاماق جان اوسته اهل عشقه عادتدور
کی یعنی چیخمادیم منده عزادن یارسول الله!
.
بی بی م زینب سنی ائتمیش مخاطب روز عاشورا
دییرمیش باخبرسن ماجرادن یارسول الله!
.
سنون اوغلون حسیندور بو اولوبدور کؤینگی غارت
سویولموش باش با باش جسمی جفادن یارسول الله!
.
نه نعلین و نه پیراهن نه عمّامه، خبر یوخدی
عبای خامس آل عبادن یارسول الله!
.
سنون اوغلون حسیندور دینه قرباندی ولی بیلمم
نئجه قرباندی، ذبح اولموش قفادن یارسول الله!
.
نئجه گولدورحسین بیلمم کی جسمی گلستان اولموش
آچوبدور لاله گول، هر بیر یارادن یارسول الله!
.
آنام زهرانین «اوغلوم وای» سسی دوتموش بیابانی
گلوبدور مقتله جنّت سرادن یارسول الله!
.
منه آیدیندی کی بیر گون زیارتگاه اولار بو چول
ملکلرده گلرلر نُه سمادن یارسول الله!
.
گلنده شیعه لر شیون ائدلّر شاه عطشانه
اولار یاد ایلیر مَن مُبتلادن یارسول الله!
.
اولار بولبول کیمی پرپر گولی گورسه ائدلّر یاد
شبیهون اکبرِ گلگلون قبادن یارسول الله!
.
جوانلار سینه سین چاک ایلیللر قاسم عشقینده
اوخولاّر یادگار مجتبادن یارسول الله!
.
چوخ آغلار آذریلر قارداشیم عبّاسه علقمده
آلالاّر حاجت اُول مشکل گشادن یارسول الله!
.
ربابین ناله یین احساس ائدلّر گوشِ جانیله
اوخولاّر روضه٬ اصغرسیز آنادن یارسول الله!
.
یازاندا نوحه و مرثیّه نی، «سیّدبشیر» آغلار
نه یازماقدان دویاندی نه بُکادن یارسول الله!
.
.
#الهادی_شهادت
#آمان_ظلم_و_عناد_اشقیادن_یا_رسول_الله
#ترکی #الهادی #سیدبشیرحسینی
#زبدةالاشعار