زبدةالاشعار

گل گوزومده اولوب گوزیاشیم القان رضا جان #کاظمیه_رمضانی_خاکی

زبانحال حضرت موسی بن جعفر (ع)
.
.
#سبک_اصغر_ای_بختیمون
.
رمضانی ( خاکی )
.
گل گوزومده اولوب گوزیاشیم القان رضا جان
وار سینیق قلبیده درد بی پایان رضا جان
قلبیم اولوبدی غمدن یارالی
نه جرمه دوشدوم ائلدن آرالی
.
.
.
بیر بئله ظلم اولوبدی کیمه دورو زماندا
کیم قالوب حبسیده بی گناه غربت مکاندا
یوخدی مظلوم اولان من کیمی فانی جهاندا
واریری قلب اولا غصه دن شان شان رضاجان
قلبیم اولوبدی …
.
.
.
باشه عمروم چاتوب اگنوه گی غم لباسین
گل بو بی کس آتووون اوغول باشلا عزاسین
جان وئرنده آتا رسمیدی گوزلر بالاسین
گل تلاوت باشیم اوسته ائت قرآن رضا
قلبیم اولوبدی …
.
.
.
اولموشام آند اولا جانوه بو دنیادان سیر
بسکه زندان ائدوبدی منی محزون و دلگیر
جان یتوبدی دوداقیمه وار بوینومدا زنجیر
رحمه گلمور نیه دشمن نادان رضاجان
قلبیم اولوبدی …
.
.
.
درب و دیوار زندان گلور آه و فغانه
سند ظالم گلنده الینده تازیانه
شدت ظلم اوغول دای گتوردی منی جانه
چیخدی حدن جفا صبره یوخ امکان رضاجان
قلبیم اولوبدی …
.
.
.
سن اگر گلموسن حالیمه کیم آغلار اوغلوم
سینه سین باشیم اوسته منیم کیم داغلار اوغلوم
بو یولوندا قالان گوزلری کیم باغلار اوغلوم
کیم ائدر نعشیم اوسته منیم افغان رضا جان
قلبیم اولوبدی …
.
.
.
وار یری روزو شب دویمویام آه و نوادن
یوخ یانیمدا بیری چونکه یارو آشنادن
اودلانوبدی اورک شدت زهر جفادن
بو چتین درده یوخدی داخی درمان رضا جان
قلبیم اولوبدی …
.
.
.
گل بو غربت آرا گلشن عمروم سولور گل
گوزیاشیلا بالا گوزلریم غمدن دولور گل
فاطمه عدنیده غصه دن زلفون یولور گل
قاره سالدی باشا سرور نسوان رضا جان
قلبیم اولوبدی …
.
.
.
#کاظمیه_شهادت
#گل_گوزومده_اولوب_گوز_یاشیم_القان_رضا_جان
#رمضانی_خاکی
#ترکی
.
✍️ #زبدةالاشعار ✍️
.
🆔 : @nohe_torki

متن پیشنهادی:  جنازه ای غریب اززندان شد خارج #کاظمیه_حجت_مرتضایی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی