آچ گؤزون ابالفضل تپراق اوسته یاتما #عباسیه_معروف_اهری

شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_نوایی_نوایی
.

معروف اهری
.
آچ گؤزون ابالفضل تپراق اوسته یاتما
اوغولسوز حسینی بو قدر آغلاتما
ای منیم با وفا قارداشیم ابالفضل
اویان ای غم گونی یولداشیم ابالفضل
.
.
.
یاندیرور قلبیمی باشوین یاراسی
اللریمده یوخدی دردیوون چاراسی
سن یولسن ابالفضل صودامر اصغرین
دوشه جک اللره خوردا گهواراسی
ای منیم با وفا قارداشیم ابالفضل
اویان ای غم گونی قارداشیم ابالفضل
.
.
.
بیر دانیش منیلن عاشقم سؤزووه
هم اوجا بویووا هم سنون ئوزووه
جسمووه باخورام یانوب اودلانیرام
آلنوا اوخ دگوب قان دولوب گؤزووه
ای منیم با وفا قارداشیم ابالفضل
اویان ای غم گونی یولداشیم ابالفضل
.
.
.
آی کیمین یوزووه هاله غم دوشوب
شرمنده یاتوبسان آلنوا خم دوشوب
کسیبلر یوللارین سالیبلار قوللارین
اللریندن یئره قانلی پرچم دوشوب
ای منیم با وفا قارداشیم ابالفضل
اویان ای غم گونی یولداشیم ابالفضل
.
.
.
وورموسان آی قارداش علقم اوسته پرچم
حیف او پرچم دوتان قوللار اولدی قلم
قوی باشون سینمه سسله قارداش منه
بلکه آرام اولوب غصه دن دینجلم
ای منیم با وفا قارداشیم ابالفضل
اویان ای غم گونی یولداشیم ابالفضل
.
.
.
#عباسیه_معروف_اهری
#عباسیه_شهادت
#آچ_گؤزون_ابالفضل_تپراق_اوسته_یاتما
#ترکی
.
✍️ #زبدةالاشعار ✍️
.
🆔: @nohe_torki