شهادت حضرت علی اصغر(ع)
..
..
..
..
حسین ساکت خسروشاهی
..
..
..
..
اصغر سنون احوالوه بیگانه لر آغلار
فرزانه لر اوخشار سنه دیوانه لر آغلار
..
عالملره تأثیر ائلین اودلی غمونده
دردانه کیمی گوزیاشی دردانه لر آغلار
..
هر یاندا سوسوزلوق اودی سو صُحبتی اولسا
سندن دیرم تا قوری پیمانه لر آغلار
..
صهبای طهور اولسادا سو زهردی سنسیز
سوز دلوی بولسه له مستانه لر آغلار
..
بو غمده باتا کعبه عزایه نه عجبدور
الله گوزلی آغلاسا بتخانه لر آغلار
..
هر نغمه لی بلبل سارالان گل بوداقندا
یاد ائتسه سنی سویگلی پروانه لر آغلار
..
ایستکلی لر ایستکلی سی خاتون قیامت
قانه بویانان تللریوی شانه لر آغلار
..
قان آغلادی گوزدن سنه اوچ شعبه لی پیکان
گور یاد سنه قان آغلاسا زهرا نه لر آغلار
..
ساکت اوخیان وقته عزاخانه لر ایچره
محشر اولی بیر لحظه عزاخانه لر آغلار
..
..
اصغر سنون احوالوه بیگانه لر آغلار #اصغریه_حسین_ساکت
نظر دهید