کوچ از قتلگاه
..
..
..
امانی اردبیلی
..
..
..
ای تشنه بوغازینّان ،آخان قانی حسینیم
مقتلده نماز اوسته چیخان جانی حسینیم
ای شاه شهیدان
عالم سنه قربان
..
..
..
ای سینه سی اوخلاردان اولان یاره حسینیم
ای قئزلاری طوفانیده، آواره حسینیم
ای عترتینین بختی گونی قاره حسینیم
گل زینبیوون دردینه قیل چاره حسینیم
سن سیز کیم ائدر دردیمه درمانی حسینیم
..
..
..
قارداش اوجا بوی شیر وفاداریم ئولوبدی
غوغادی قطاریمده جلوداریم ئولوبدی
چارم کسیلوب چولده سپهداریم ئولوبدی
قوللاری اوزون تشنه علمداریم ئولوبدی
گؤزلر حرمون، ایندیده سقّانی حسینیم
..
..
..
قالدوم نه قرا گونلره بو غملی مناده
مخیمده دوشوب اکبریمین نعشی اراده
ئولدوردیلر الده ،بالامی دشت بلاده
گول تک داغیلان جسمی قالوب قانلی عباده
آرام ائلییوم ،من نئجه لیلانی حسینیم
..
..
..
گؤزیاشلی باخور حجله سینه قاسم ناشاد
یخدی ائویمی کیم، گوروم اولسون ائوی بر باد
قارداش بو نئجه صحنه دى الآن اولور ایجاد
یئر اوسته گلین، نیزه ده بیر یاره لی داماد
یوخ هئچ بیرینون صحبته امکانی حسینیم
..
..
..
#کوچ_کربلا_امانی_اردبیلی #قتلگاه #ترکی #زبدةالاشعار
ای تشنه بوغازینان آخان قانی حسینیم #کوچ_کربلا_امانی_اردبیلی
اسیرکوی حسین راه بی ثمر نرود اسیر کوی حسینم حسین مراد من است
سلام و احترام
از حضور و حسن توجه و عنایت تان ، سپاسگزارم