زبانحال حضرت زینب (س) به رقیّه (س)
در خرابه شام
..
..
..
..
..
حاج غلامرضا عینی فرد زنجانی
..
..
..
..
..
ای رقیّه مهربانیم آغلاما ویران سراده
بلبل شیرین زبانیم آغلاما ویران سراده
..
..
..
..
..
منجنیق ابتلاده قلبوی حسرتله سخما
گل قوجاقیمه قزیم یات آغلاما بیله دارخما
قویما دیواره ئوزون چوخ کربلایه ساری باخما
یوخ داخی تاب و توانیم آغلاما ویران سراده
..
..
..
..
..
چوخ چتیندور آیریلیق ای نوگل گلزار ایمان
آیریلیق آلدی قرارین گون بگون اولدون پریشان
کوه پیکر آدم اولسا سندیرار آخرده هجران
اولموسان باخ جسم بی جان آغلاما ویران سراده
..
..
..
..
..
ای سپهر آرزوی زینبه روشن ستاره
آغلاما سن آغلیاندا آغلاشور قزلار دوباره
قلبیمی یاندیرما اشگین توکمه بو غملو عذاره
گل سیلوم گوز یاشین الان آغلاما ویران سراده
..
..
..
..
..
گنج اولور ویرانه لرده سن دُر گنج شرف سن
دختر سبط رسول و زیور شاه نجف سن
سن شریک غملریم سن فکر قیلما بی هدف سن
ایلیرسن شامی ویران آغلاما ویران سراده
..
..
..
..
..
اطّلاعون یوخدی گلمیش باشیمه نه ابتلالر
هوشیارانه باخورسان وار باشیمدا قاره معجر
قامتیم اولدی کمان هی دقّت ایلورسن مکدّر
زلفلریم اولموش پریشان آغلاما ویران سراده
..
..
..
..
..
واقفم واردور سنون بو خرداجا قلبونده چوخ غم
اؤز اؤزونله صحبت ایتمه اشگون ئوزده ایتمه شبنم
غصّه ایلورسن دیورسن آخ قوجالدى حیف عمَّم
اولموسان دائم هراسان آغلاما ویران سراده
..
..
..
..
..
تار زلفونده قونان توز یاندیوار بو دلفکاری
غصّه لر ایلور بو آزجا سنّیوی روشندی یاری
گل اوتور سینمده ردّ ایلوم گوزوندن بو غباری
ای اسیر قوم عدوان آغلاما ویران سراده
..
..
..
..
..
بو بش اون گون باخما اولدون سن اسیر دست دشمن
بیر گونی آزاد اولارسان ای غزال دشت ایمن
گوزلرون قربانی ایتمه بیر بیله فریاد و شیون
صبریمی گل ایتمه تالان آغلاما ویران سراده
..
..
..
..
..
من سنون حفظینده چکدوم زحمت بی حد او باشدان (۱)
سالمادوم گوزدن عزیزیم روز و شب حتی اوباشدان (۲)
دوشموسن تردیده بلدوم نیزه ده گوردوم او باشدان (۳)
گه اوجا گاهی یواشدان آغلاما ویران سراده
..
..
..
..
..
بو گجه فکر ایلورم من تاجدارون گلسون ای قز
ساکت و آرام اولسون قلب زارون گلسون ای قز
یار اولار دیداره الله بوردا یارون گلسون ای قر
انتظارون ایلور اعلان آغلاما ویران سراده
..
..
..
..
..
قورخورام گلسون آپارسون همدمیم گتسون الیمدن
گر آپارسا آه و ناله قوزانار داغلی دلیمدن
اوندا ناچارم اوزم ال یثربه گیتسم ایلیمدن
من گلم بوردا ویرم جان آغلاما ویران سراده
..
..
..
..
..
قویما «عینی فرد» الونده بو قلم آزسون یولوندان
حق دی حق یاز سوز یازاندا حق دوتار قورخما الوندن
گیت صراط مستقیمی اول مواظب ساق صولوندان
یاز ردیف شعرون الان آغلاما ویران سراده
..
..
..
..
..
آل طاهادن گوتورمه ال اماندی هیچدی دنیا
قصد غربت ایله سوز یاز سوزلرون قالسون جهاندا
بو جهان ویرانسرادی جز غم اولاد زهرا
آغلاما تا گلسون عدوان آغلاما ویران سراده
..
..
..
..
..
(1) از آن سر یعنی از مدینه تا کربلا و از کربلا تا شام
(۲) سحر دمدمه های صبح
(۳) از آن سر بریده: وقتی که سر بابا را دیدی
..
..
..
..
..
ای رقیه مهربانیم آغلاما ویران سراده #حضرت_رقیه_عینی_فرد
نظر دهید