زبدةالاشعار

فرمایش ائتدی زینبه سلطان دشت کربلا #وداع_یحیوی_اردبیلی

وداع امام حسین (ع)
سوال و جواب
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
//امام_حسین//
فرمایش ائتدی زینبه سلطان دشت کربلا
صبر ایله یازینب
چوخدور غمون مندن صورا هر چند اشدّ اولسا بلا
صبر ایله یازینب
.
.
پرده گوتورّم سرّدن اول ماجرادن باخبر
یا بنت منصورا
آز قالدی وقته قالماسون نه سنده معجر منده سر
تا عصر عاشورا
بو خیمه گاهیمده منیم قاتللمریم بر پا ائدر
بیر محشر کبرا
گوردون او ساعت که باجی تیترر زمین نینوا
صبر ایله یازینب
.
.
//حضرت_زینب//
قلبیمده گیزلین ساخلارام فرمایشون من بینوا
صبر ایلرم قارداش
یاسونده سس سیز آغلارام تا حکمون اولسون جابجا
صبر ایلرم قارداش
.
.
//امام_حسین//
وقتیکه سندن ایسترم خلوتده کهنه پیرهن
زهرا آنام آغلار
من آیریلان وقته چیخار خوردا بالالار خیمه دن
یولدان منی ساخلار
دل بیلمین سؤز بیلمین قزلار صدای ناله دن
بو سینه می داغلار
سن وئر تسلی قزلارا مشکلدی گرچه ماجرا
صبر ایله یازینب
.
.
//حضرت_زینب//
بیلدیم بلالی یا اخا اولدوم عجب بختی قرا
صبر ایلرم قارداش
من سرپرست اوللام أؤزوم باشی بلالی قزلارا
صبر ایلرم قارداش
.
.
//امام_حسین//
یاندوز شرار محنته شرمنده اولدوم من عجب
سندن حرم لردن
دوشدی سکینم زحمته سن اول مواظب روز و شب
اول نازلی دختردن
اول منتظر اول ساعته غارت آلور وحشی عرب
آل پیمبردن
قمچی دگنده باشیوه اولما ملول أی باوفا
صبر ایله یازینب
.
//حضرت_زینب//
اولسام یولوندا من سنون هر بند بندیمدن جدا
صبر ایلرم قارداش
باغلانسا زنجیره قولوم یوخدور گلایم یا اخا
صبر ایلرم قارداش
.
.
//امام_حسین//
لشگر دولاندا خیمیه سن سسلینده تلیدن
عباسی امداده
اوندا گلم امدادیوه اولماز توانای بدن
اولسامدا آماده
بأخسون گوررسن که حسین فریادیوه یئتمز ندن
اول قانلی دریاده
مشکل زماندور اول زمان فریادیوه یئتسون خدا
صبر ایله یازینب
.
.
//حضرت_زینب//
قلبونده کی نیسگل لره زینب باجون اولسون فدا
صبر ایلرم قارداش
درد و مصیبت هر قدر چکسه باشیم سندن صورا
صبر ایلرم قارداش
.
.
//امام_حسین//
عرشه دوشنده ولوله یئرلر ائدنده زلزله
وقت شهادتدور
شمر و سنان و حرمله حاضر أولاندا مقتله
گور نه قیامتدور
لشگر ائدنده هلهله قویما بالا قزلار گله
چوخ غملی ساعتدور
یالوارما بی جا قاتله رحم ایلمز شمر دغا
صبر ایله یازینب
.
.
//حضرت_زینب//
گل بوندان آرتوق قلبیمی یاندیرما یابن المرتضی
صبر ایلرم قارداش
جلّاده یالوارسامدا گر بیلّم که ائتمز اعتنا
صبر ایلرم قارداش
.
.
//امام_حسین//
وقتی که یاندی خیمه لر قاچدی چوله اهل حرم
اول سخت طوفاندا
مندن سلام اولسون سنه ناخوش بالامی سن اودم
اوتدان چیخارداندا
قاسم عروسینون آلور گوشواره سین اهل ستم
بیر ایله بحراندا
گوردون قولاقندان آخوب قانی اولوب زلفه حنا
صبر ایله یازینب
.
.
//حضرت_زینب//
بو محنته مشکل دؤزم امرون گرک مجرا اولا
صبر ایلرم قارداش
گورسم عروس کربلا قاندان یاخوب زلفه حنا
صبر ایلرم قارداش
.
.
//امام_حسین//
گوردون یارالی باشیمی چیخدی تنور خولیدن
یا دیر ترسادن
یا آسلانوب دور کوفه ده بالای برج قلعه دن
یا نخل خرمادن
یا شامده سنگ جفا عورتلر آتدی غرفه دن
یا قصر اعدادن
گوردون که قانلی باشیمه مسکن أولوب طشت طلا
صبر ایله یا زینب
.
.
.
//حضرت_زینب//
باشون دالیجا هر یئری سیر ایلرم صبح و مسا
صبر ایلرم قارداش
حفظ ایلرم أطفالیوی زهرا آنام أولسون رضا
صبر ایلرم قارداش
.
.
#وداع_یحیوی_اردبیلی
#حسینیه_وداع
#فرمایش_ائتدی_زینبه_سلطان_دشت_کربلا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  خلقه اولوبدی رهنما احمد محمود #پیامبراسلام_نوروزی_نوین

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی