ای سپهر حسنده بیر ماه اوغول #اکبریه_خازن_تبریزی

زبان حال مادر حضرت علی اکبر (ع) در حال وداع
..
..
..
..
..
مرحوم سید عبدالحسین خازن تبریزی
..
..
..
..
..
ای سپهر حسنده بیر ماه اوغول
خَلقاً و خُلقاً رسول الله اوغول
..
..
..
..
..
وه نه زیبا حسن آلوندور سنون
مهر تک رخشان جمالوندور سنون
زلف چیگنونده بلالوندور سنون
کشور حسنه اؤزون بیر شاه او غول
..
..
..
..
..
گوزلرایچره گوزدی بوشهلا گوزون
نطقه گل قربانیَم شیرین سوزون
گر گوره لیلا هلاک ایلر اوزون
زلفوه اگلشسه گرد راه اوغول
..
..
..
..
..
جان فزادور ای گلیم بویون سنون
ماہ تک رخشندہ دور رویون سنون
ویرمرم دنیایه بیر مویون سنون
اول بیله بیر قصّه دن آگاه اوغول
..
..
..
..
..
خلق حیراندور علی گوز قاشیوه
هر باخان احسن دیر نقاشیوه
طول ویرمیش زلف عنبر پاشیوه
حیف اولا عمرین اولوب کوتاه اوغول
..
..
..
..
..
گل یوزه زلفین توکولموش سربسر
عقربیله روبرو اولموش قمر
باغلیوبسن شوقیله زرین کمر
اولماقا بو گون فنا فی الله اوغول
..
..
..
..
..
امّ لیلانی گل ایله سر فراز
گل اوتور بیر دم ائداخ راز و نیاز
گر سنی ئولدورسه بو اهل مجاز
یوخ آناوہ سن کیمی دلخواه اوغول
..
..
..
..
..
من دیمم یوسف ذلیخایم سنه
عشقده مجنون یکتایم سنه
بیر کنیزم امّ لیلایم سنه
گل رضا اولما چکوم من آه اوغول
..
..
..
..
..
بیر ایاق ساخلا یوزی ماه تمام
زلفوه بیرجه ویریم نظم و نظام
اهل کوفه ایلیوبلر ازدحام
بیر کفن بو تیغ بسم الله اوغول
..
..
..
..
..
شوقیله سبط صراط المستقیم
ورد و ذکرون ایت گل اسم عظیم
سویله بسم الله رحمن الرّحیم
تا سنون یارون اولا الله اوغول
..
..
..
..
..
باشه قوی عمّامۀ پیغمبری
شوقیله سن باغلا تیغ حیدری
ایله ظاهر سهم شیر داوری
ای شجاعتده ولی الله اوغول
..
..
..
..
..
برج مرکبده دایان اختر کیمی
مرکز میاداندا دور حیدر کیمی
یا علی دئ وور قلج صفدر کیمی
باخما چوخدورفرقۀ گمراه اوغول
..
..
..
..
..
چکگیلن غیظیله تیغ آبدار
سالگیلن اهل شرار ایچره شرار
کشته لردن پشته لر قیل برقرار
تا دئسون شام اهلی ایوالله اوغول
..
..
..
..
..
بو یقینیمدور منیم مطلق على
ماه تک فرقون اولار منشق علی
پیکرون صد چاک اولار ناحق على
مثل اوراق کلام الله اوغول
..
..
..
..
..
بو شهادت امرینه یوخدور حرج
گورسن اولدی قانه زلفون مندرج
صبر قیل الصبر مفتاح الفرج
رو سفید اول سنده عندالله اوغول
..
..
..
..
..
بو عزاده ایله ناله خازنا
گوز یاشون توک بات ملاله خازنا
بو کلامی سال خیاله خازنا
ای سپهر حسنده بیر ماه اوغول
..
..
..
..
..