زبانحال امام در بالین حضرت ابوالفضل العباس علیه السلام
.
.
.
مرحوم علی اکبر حامدی
.
.
ای عشق مناسینده وئرن جان آتام اوغلی
گلدیم یارالی جانیوه قربان آتام اوغلی
.
بو باشدی عمودیله سینیب دورموری قانی
بو قان آپاریبدیر سنی ای حیدر ثانی
ئولدوردوله تا سن کیمی بیر شیر ژیانی
قارداشیوه ده ال تاپار عدوان آتام اوغلی
.
سو مشکیوی قارداش کیم ائدیبدیر بِله پاره
بو قاندی باشوندان آخیری بیله عذاره
بو جسمیدی شام اهلی ووروب بیر بِله یاره
گول پیکرون ائیلیبدیله شان شان آتام اوغلی
.
یاده کسیلمیش قولو سالدیقجا یانار دل
بیلمیب بو الین حرمتینی فرقۀ باطل
صد حیف اولا رحم ائتمه دی بو اللره قاتل
قطع ائیله دی اول ناکس دوران آتام اوغلی
.
باخمیبدی عدو قابلِ حرمت دی بو اللر
دین پیکرینه بیر یدِ قدرتدی بو اللر
محشر گونی اسباب شفاعت دی بو اللر
زهرانین الینده اولو عنوان آتام اوغلی
.
بو چؤلده سوسوزلوق اودی چوخ دیللری دلدی
از بس کی آغیر قیمته قارداش باشا گلدی
بیر مشک سویون قیمتی آیا ایکی الدی
اوستونده ده باش ایستیری دونان آتام اوغلی
.
ای آرخام ائلیم عترتیمین یاوری قارداش
دور قویما کمک سیز من بی لشکری قارداش
وئردین سویا ال وورماقا بو اللری قارداش
کیم سن تک ائدیب ترکِ سر و جان آتام اوغلی
.
.
.
#عباسیه_شهادت #عباسیه
#ای_عشق_مناسینده_ویرن_جان_آتام_اوغلی
#حامد_تبریزی
#ترکی
#زبدةالاشعار
نظر دهید