زبدةالاشعار

گل آنان ئولسون ندن تیز قانه غرق اولدون بالا #قاسمیه_نادری

زبانحال سریه درنعش جناب قاسم (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک

مشابه

.
مرحوم نادری میانجی
.
گل آنان ئولسون ندن تیز قانه غرق اولدون بالا
یاسه باتدی طوی اطاقون نوجوان ئولدون بالا
.
.
قلبیمین شمعی گوزوم نوری حسین پروانه سی
مصطفانون نور عینی مرتضی فرزانه سی
مجتبانون نو گلی خیرالنساء دردانه سی
تازه بیر گل غنچه تک گل آچماموش صولدون بالا
.
.
قتلگهدن گلدی امداد ایستین وقته سسون
نه روا قاسم ئوله اما سریه اولمسون ؟
حجله گاهه قاره چکدوم هیچ آنالار گورمسون
نو عروس بینوانی قاره بخت ایتدون بالا
.
.
ای عزیزان آغلیون بیر باغریقان الدن گیدوب
باشه قاره باغلیون بیرنوجوان الدن گیدوب
حسرتیم قلبیمده اوغلوم ناگهان الدن گیدوب
بیر اوغولسوز عورتم باشیمه کول توکدون بالا
.
.
ای اوغول داغی گورنلر موقع امداد دور
اوغلی ئولمیش بیر آنانون عادتی فریاد دور
باشیمه کول اولدی قاسم تازه بیرداماد دور
بولمرم آخر زواله سن نه تیز گلدون بالا؟
.
.
اون بیر ایلدی کی آتاندان ای اوغول قالدون یتیم
قان حنا یاخدون اله قالدی اوره کده حسرتیم
بیر اوغولسوزمادراولدوم گیتدی سن سیز حرمتیم
زحمتون چوخ چکمیشم اما منی آتدون بالا
.
.
آخ یتیم دارلوخ چتین دور من سنی آقلاتمادوم
یاتمیونجاق سن اویاخ قالدوم اوغول من یاتمادوم
سن منی آتدون بالا اما سنی من آتمادوم
شمره تاپشردون منی آخر اوزون گیتدون بالا
.
.
گر تک اولسیدوم اوزوم من سندن ایتمزدیم گله
پا پیاده گوز تکردوم نیزه ده قاره تله
نو عروسون آغلاسا یوخ منده طاقت نسگله
بیر توکنمز درده آخر سن منی سالدون بالا
.
.
«نادری» یاز نوجوانلار طویدا سینه داغلاسون
داغدار اولموش آنا تک بو طویا قان آغلاسون
قاسمه دوتسون عزا هر ایلده قاره باغلاسون
اللریم قوینمدا قالدی قدیمی بوکدون بالا
.
.
#قاسمیه #نادری
#قاسمیه_شهادت
#گل_آنان_ئولسون_ندن_تیز_قانه_غرق_اولدون_بالا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ساقی نظر کن - به کوی می فروشان #فاطمیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی