ای غنچۀ خندانیم اوغول ائتمه فغان یات #اصغریه_حزین_خسروشاهی

زبانحال حضرت رباب در عطش حضرت علی اصغر (ع)
..
..
مرحوم حاج حیدر خسروشاهی (حزین)
..
..
ای غنچۀ خندانیم اوغول ائتمه فغان یات
سوفکرینی باشدان داهی ای سود امریم آت
..
نه دلده توان وار که بو احوالوی گورسون
نه وار سویا امکان نه سودوم وار آنان ئولسون
..
..
هر خیمه نی بیر شربه سودان اوتری دولاندیم
اما سو اله گلمدی دلدن یارالاندیم
باخدوقجا سوسوز قیزلارون احوالینه یاندیم
گوردوم که سنون تک یانوری خورداجا قیزلار
آهیله ووروب اود دل عطشانه سوسوزلار
..
..
گوردوم که حرم گللری سولموش بوداقندا
بعضی لری ضعف ایلوب آناسی قوجاقندا
بعضى سى قالوب اللرى عطشان دوداقتدا
تشنه بالالار واعطشا ذکر ائدر آغلار
بیکس آنالار سیل سرشگین یوزه باغلار
..
..
بعضی سی سوسوزلوقدان ائله جانه دویوبدور
تندن دیه سن جامۀ امّیدی سؤیوبدور
بعضی سی اورک باشینی توپراقه قویوبدور
بلکه آزالا سوز عطش شدتی دلدن
گئتمز گوره نون حشره کیمی حسرتی دلدن
..
..
اود سینۀ سوزانه وورار طرز نگاهون
سن بیر سود امرسن بالا واردور نه گناهون
اولسون حق منّان اؤزی محشرده گواهون
سوز عطشوندن قوریوب غنچه دوداقون
بیدادینه داد ایلیه حق اهل نفاقون
..
..
ایجاد اولوناندان بالا بو عالم امکان
هانسی سود امر سن کیمی یاندی سوسوزوندان
حقّ اوسته سوزوم یوخ بو گون اولسون قوزی قربان
قربانه ولی سو ویره لر رسم جهاندور
افسوس سنون سو ویره نون تیر و کماندور
..
..
احوالوه یانسون یوخ ابوالفضل وفادار
نه قارداشون اکبر قالور اولسون سنه غمخوار
بیکس باباوا حالون اگر ایلسم اظهار
قورخوم بودی اولسون غم و اندوهی زیاده
شرمنده اولام محضر زهراده جزاده
..
..
سو یوللارین اوچ گوندی بوگون باغلیوب اعدا
سو یوخ سوسوزوندان یانوری عترت طاها
سو اوسته سوسوز قانه باتوب ظلمله سقا
اعدا وروب اوخ سویرینه مشگه دولوب قان
وار دور بیری قان آغلاسا بو جمع پریشان
..
..
اصغر آدی ای شان و شرفده اوزی اکبر
ای قانی اولان حشره کیمی گویلره زیور
شهزاده سن آخر بو «حزینده» سیزه نوکر
مولا باخار اوز نوکرینه مرحمتیندن
امّیدی بودور گوزدن اونی سالمیه سن سن
..
..
#اصغریه #حزین_خسروشاهی #اصغریه_شهادت #ترکی #زبدةالاشعار