شجاعت امام حسین (ع)
..
..
سیفی اردبیلی
..
..
حسین جانباز عشق حىّ داور
حسین نور جمال حقّه مظهر
حسین پور علی روح پیمبر
حسین بند دل زهرای اطهر
حسینی عالم و آدم چوخ ایستر
..
..
تاپوب خذلانی اهریمن حسیندن
اولوب بیت خدا ایمن حسیندن
مقامینده دیوب ئوز جدّی طاها
حسین مندندی بالله من حسیندن
اگر پیکر جدادور بیردی جوهر
..
..
حسین فرمانده ملک قدمدی
حسین الله یانندا محترمدی
حسین جدّى رسوله لحم و دمدی
حسین دربارینه حورا خدمدی
حسیندور عاشقان حقّه رهبر
..
..
حسین آدینده وار جنّت صفاسی
حسیندور نای مظلومون نداسی
حسینون یاتمیوب یاتماز لواسی
گوزلدور کعبه دن کربُ بلاسی
منادور قتلگاهی، تلّی مشعر
..
..
حسین تسخیر ایدوب دنیانی قاندان
دیریلدیوب پیکر قرآنی قاندان
سالوب سجّادۀ ایمانی قاندان
سوواردی گلشن زهرانی قاندان
ایدوبدور باغ عشقین روح پرور
..
..
قویوب اجرایه پیمان الستی
اولوب صهباسی عشقون مست و مستی
ایدوب جان نقدینه یکتاپرستی
بیلوردی عشقینون یوخدور شکستی
کئچوب دار و نداریندن او سرور
….
..
نه مشتاق اولدی تاج و تخت و قصره
نه سویدی اقتدار شام و بصره
ایدوب إِن تَنصُر الله چاتدی نصره
یتوردى صبح عاشورانی عصره
گیوب جنگی زره پیر دلاور
..
..
گوروب زینب حسینی تا کفن پوش
ایدوب جام شهادت باده سین نوش
دیدی قیلدون منی قارداش فراموش
آچورسان ئولمگه سرعتله آغوش
باجون سنسیز داخی دنیاده نیلر
..
..
چتیندور آیری دوشمک محضروندن
تاپاردیم نشئه رأفت ساغروندن
آلاردیم جان صفاسین گوزلروندن
دایان قارداش ئوپوم تا حنجروندن
دیوم هر بوسووه جان جان برادر
..
..
گوزل نوحیم قوپوب طوفان گیدورسن
قویوبسان قیزلارون ویلان گیدورسن
ئولوب اوغلون اورکده قان گیدورسن
منای عشقووه عطشان گیدورسن
سو اولسیدی ایدردیم لبلرون تر
..
..
ذبیحیم مقصدون قانلی منادی
دیلونده ورد و ذکرون ربّنادی
شهادتده شتابون وار بجادی
بیله گئتمه باجوندا بینوادی
دانشدیر بیر منی ای حقه مظهر
..
..
گوزل ساقی منه پیمانه ویر گئت
دم جان بخشوی بو جانه ویر گئت
نیازیم وارحسین درمانه ویر گئت
منه بیر بوسۀ مستانۀ ویر گئت
سئوندور قلبیمی ای روح پرور
….
..
ئوزه چخدی اورکدن آرمانلار
محبّت کاسه سینده جوشدی قانلار
آچوبدور قوللارین سرو روانلار
قوجاقلاشدی قوجالمش قهرمانلار
بو عشقه جان دیدی روح پیمبر
..
ایکی عاشق ایکی شیر تنومند
ایکی مستانه زهرایه جگربند
ویروب جان رشته سین بیر عهده پیوند
اورک داغلی دوداقدا عشقه لبخند
ملر دلداده دن آیریلدی دلبر
..
..
سواره تیغ برق افشان الینده
..
زمانه نوحینون سُکّان الینده
دوتوبدور رشتۀ ایمان الینده
گلوب دیدار یاره جان الینده
گورنده هیبتین قورخوشدی لشگر
..
..
کمک سیز قهرمان دیلده شعار
اوجالمش نّه سمادن باش وقاری
وراردی برق غیرت ذوالفقاری
ایدوب میداندا بیر چابک سواری
کأنّه جنگ ایدور خیبرده حیدر
..
..
آت اوسته قامتین ایتمیشدی میزان
الینده تیغ حیدر شعله ریزان
ایدوب گهواره تک میدانی لرزان
قباقیندن اولوب دشمن گریزان
پوزاردی خرمنی گویا که صرصر
..
..
سالوب میدانه وحشت یل یل پیر
ئوزی تشنه قلنجی قانیدن سیر
یخاندا هر حریف رزمی چون شیر
دیردی زینبی تلّ اوسته تکبیر
هزار افسوس اوغولسوزسان برادر
..
..
خلیل اوغلى یخوب لات و مناتی
داغتدی لشگر ارذل صفاتی
قویوب حیرتده چشم کایناتی
آلوب اشراریدن آب فراتی
یتیشدى مقصده خضر مُعمّر
..
..
نشان ویردی الیکه ناز شستین
ظفر تختینده گوردی روح مستین
بیر آز آرام ایدوبدور خیز و جستین
سودان دولدوردی فوراً جام دستین
دیدی ایکاش اولیدون بوردا اصغر
..
..
حسین اصغر دییَن لحظه دل افکار
ایدنده ئوز ئوزیلن دردین اظهار
اولوب بیر منظره ناگه پدیدار
چخوب صفدن اوخ اوخ الده بیر کماندار
سوزی آچسام ایشتمک طاقت ایستر
..
..
قلم محنت یوزیندن گوتدی پرده
حسینی یاده سال آغلا بو درده
هوادن یاغدی اود صحن نبرده
بیر اوخ دگدی دهان شیر مرده
خانم زهرا باشیندان آچدی معجر
..
..
شکاری لاشه خوارون اولدی شاهین
اوجالدوب قان دوتان لبلردن آهین
دولاندیرسون سودان قصد ایتدی راهین
بیر اوخدا یاردی فوراً سجده گاهین
سالوب جان ذورقی طوفانه لنگر
..
..
ایدن بو مطلب جانکاهی عنوان
مسیحی دور مرامی اهل آلمان
یازور تا سجده گاهه دگدی پیکان
امامون بیر گوزین هوردی قزل قان
تاپوب جرأت سئوندی قوم کافر
..
..
او شیره باغلانوبدور راه چاره
دوشوب قان لخته سیندن گوز فشاره
بو یرده اهلینه وار بیر اشاره
قوجا سیّد دوداقی آلنی یاره
یانا یانه دیدی الله اکبر
..
..
بیلوبدور شیشیه ال تاپدی الماس
زمان تنگیدی پیکار اولدی حسّاس
امام ایتدی اودم بیلمم نه احساس
بیر ال گوزده چاغردی قارداش عبّاس
گل اولدوم منده سن تک غملی منظر
..
..
گرفتار اولمشام دست فتنده
یاخندور شیری سالسونلار کمنده
منیم سالم الیم واردور بدنده
نه چکدون سن گوزوندن اوخ دگئده
نجه تاب ایلدون ای ماه انور
..
..
#حسینیه #سیفی_اردبیلی #حسینیه_شجاعت #حسینیه_شهادت #ترکی #زبدةالاشعار
نظر دهید