ای مظهر جلال و جمال خدا حسن #حسنیه_سایرشعرا

مدح و منقبت امام حسن علیه السلام
..
..
..
..
((بداهه گوئی شعرای فرهیختۀ گروه تخصصی مجمع الذاکرین تبریز))
..
..
..
..
ای مظهرجلال و جمال خدا حسن
مشکات نور شعشعۀ کبریا حسن
..
تو از تبار آدم و نوح و محمدی
نامت حسن، خصال حسن، رهنما حسن
..
نوباوه ی علیِّ ولی شاه لافتی
باشدان ایاقه آینه مرتضا حسن
..
پورِ علی ولیّ خداوند ذوالجلال
نور دوعین حضرت خیرالنّسا حسن
..
ای آسمان حُسنده رخشنده آفتاب
وجه جمیلی معنی شمسُ الضُّحی حسن
..
ماه مبارکین بیزه آیدین هدیّه سی
میلادمیرِ ارض و سَما مجتبی حسن
..
خُلقی حسندی طینتی هم سیرتی حسن
هرحُسنی واردی آئینۀ مصطفا حسن
..
خُلقی حسن، جمالی حسن، خصلتی حسن
الحق بو نوری خلق ائلیوبدی خدا حسن
..
سس گلدی نیمه رمضان اهل عرشیدن
اهلاًوسهلاً ، آیت حق ،مرحبا حسن
..
کان حیا و معرفت و بذل و مرحمت
مرآت حُسن ذات حق لایری حسن
..
الگودی اهل عزّته صبر و کرامتی
انسانیت طریقتینه رهنما حسن
..
اسلامه آبرو یارادیب صلح اقدسی
فتاح خیبر اوغلودی مشکل گشا حسن
..
تفسیر حُسن و معنی احساندی سیرتی
ابن الکریم ماخَلَقه مقتدا حسن
..
ای دومین امام هدی پور مرتضی
قرآن دین و معرفته آشنا حسن
..
جنگ جمل شجاعتوین زنده شاهدی.
باغلوب ولی بیر عده سنه افترا حسن
..
سبطِ رسول و زادۀ زهرا و مرتضی
دریای صبر و رحمت و کانِ وفا حسن
..
اُمَّت سَنون کرامَتیوه افتخار ائدر
حاتَم قاپوندا بنده دی ای با سَخا حسن
..
ئوز محرمون آلوب جانووی اولدی قاتیلون
مظلوم اولان جانووا جانیمیز فدا حسن
..
ای مرتضانین اوّلین آیدین ستاره سی
ای دؤرد یمینجی گوهر آل عبا حسن
..
حسنون حسندی صورت و سیرت نبی خصال
واردور یئری بیان اولا بدرالدّجا حسن
..
صلحی قیام کرب و بلایه زمینه ساز
ده سال ،ای امام شه کربلا حسن
..
حُسنی فروغ حضرت حقّیله منجلی
آیینۀ کماله آدی انجلا حسن
..
تعریفی آزدی هر نقدر یازسا چون قلم ‌‌‌
ذکر ایلروخ آدون حسن‌ مجتبی حسن
..
..
..
..
#حسنیه #سایرشعرا #ترکی #زبدةالاشعار #حسنیه_مدح