حالات حضرت زهرا (س)
..
..
..
..
مرحوم کهنمویی
..
..
..
..
ایلدی مسجدده زهرا باطلی رسوای حق
طالبان حقّه ویردی درس استیفای حق
..
..
..
..
هرکسین هرکسده واردور حقی مطلق ایسته سون
مومنی قرآن و دین قویماز که ناحق ایسته سون
حقّی ویرمزلر گرکدور صاحب حق ایسته سون
ایله سون ناحقّی رسوا هر زمان دارای حق
..
..
..
..
دین بیزه تعلیم ایدیر دنیاده مظلوم اولمیون
حقّوزی حفظ ایلیون حقّوزده محروم اولمیون
اولماسون باطل قوی تا سیزده مغموم اولمیون
اولمیه مستور باطل صورت زیبای حق
..
..
..
..
بو سوزوم واضحدی گون تک هامیه معلومدور
ظالمون ایجادینه باعث اولان مظلومدور
دادگاه حقّیده مظلوم اؤزی محکومیدور
سالماسا هر یرده هر مجلسده بیر غوغای حق
..
..
..
..
گر چه بیر عدّه فریب خلقی باشدان آتموری
چوخلاری بیدار اولوب لای لای سسیله یاتموری
دینینی ایمانینی دنیادن اؤتری ساتموری
خلقی دعوت حقّه ایلور عاشق شیدای حق
..
..
..
..
چوخلاری ناحقدی امّا حقّیله مشهور دور
دورینه جمع ایلیوب بیر عدّه نی مغرور دور
بو سببدندور حقیقت پرده ده مستور دور
خلقه معلوم اولموری مفهوم حق معنای حق
..
..
..
..
حق طرفداری گرکدور حقّی اظهار ایله سون
خواب غفلتده یاتان مخلوقی بیدار ایله سون
حقّه رونق ویرماقیله باطلی خوار ایله سون
آشکار اولسون جهانه قامت رعنای حق
..
..
..
..
خالق ارض و سمادور خالق سبحان حق
ایلیوب نازل رسول اکرمه قرآن حق
طالبان حقّه اولسون حجّت و برهان حق
تا اولا هر بیر مسلمان عالم و دانای حق
..
..
..
..
بو سببدن هر مسلمانه ایدوب حجّت تمام
باغلادی عذر و بهانه یوللارین ربّ الأنام
تا اولاخ قرآنه عامل سوز بو سوز دور لاکلام
هر زمان موجه گلور باشدان آشور دریای حق
..
..
..
..
ایتدیلر بیر عدّه قرآنی وسیله باطله
صاحب حقّه بومطلب ایله دی تأثیر ایله
ایستدی زهرا عمومه واضح اولسون مسئله
گوردی باطل ایلوری حیله ایدوب ایفای حق
..
..
..
..
بیر جماعت منکرین حقّیدی مسروریدی
اصل مطلب پرده ده بیر عدّیه مستوریدی
سرّی فاش ایتماخلوقا زهرا اؤزی مأموریدی
صورتاً عورت ولی بیر ناطق گویای حق
..
..
..
..
مسجده گلدی نه مسجد خاص و عامین مسکنی
منبع آب زلال حق حقیقت معدنی
دادگاه حق پرستان چاره سیزلر مأمنی
محفل حق مرکز حق مجلس شورای حق
..
..
..
..
حیف اولا باشدا رئیس دولت تازه نفس
اگلشوبدور منبر اوستونده او مرد بوالهوس
غصب ایدوب حقّ علینی یوخ اونا بیر دادرس
اهل حقّه اعتنا ایتمور ایدور ایذای حق
..
..
..
..
ایتدی فرمایش ندندور اولموسان دینه جری
حقّ مشروعندن ایتدون صاحب حقّی بری
دین بیله اولسا تاپولماز بیله دینه مشتری
حق دیمز دنیاده بیر کس ایلمز اجرای حق
..
..
..
..
گورمدی بیر چاره اهل مجلسه ایتدی خطاب
سیز یغشدوز اولدی بو ظالم ایشینده کامیاب
ایله دی نصب فدک یوخدور مگر روز حساب
صاحب حقّه ایدر بیر گون خدا اعطای حق
..
..
..
..
چخدی مسجددن گیدوب گوردی امیرالمومنین
اگلشوبدور ایوده یالقوز دل پریشان دل غمین
سسلدی یابن ابیطالب سن اول خانه نشین
آشکارا ظلمیله غارت اولا کالای حق
..
..
..
..
ایتدی فرمایش دایان زهرا دایان صبر ایت دایان
سن بیلورسن که علیدور حق مشروعین آلان
دشمنه شمشیر اگر چکسم دئیلمز بو اذان
فرقۀ باطل ایده للر پرده ده إخفای حق
..
..
..
..
سویلدی زهرا عم اوغلی دینمرم صبر ایلرم
من بو یولدا تاب هر بیر ظلم و هر جبرایلرم
بستر راحت بو یورقون جسمیمه قبر ائلرم
ایلرم بو قوم الیندن جدّیمه شکوای حق
..
..
..
..
ظاهراً مغلوب اولوب زهرا مرامه یتمدی
اولدی ساکت مسجده حقّیندن اوتری گیتمدی
هر نه توهین ایتدیلر بیر کلمه اظهار ایتمدی
بو دایانماخدا ایدوب هر دوره ده ابقای حق
..
..
..
..
کهنموئی سن آنان زهرادن ئورگش دین سوزین
دینینون احیاسینه قربان ایدوب آخر اوزین
دین یولوندا جان ویروب یومدی بو دنیادن گوزین
هر زماندا ذکر ایدر بو سوزلری دنیای حق
..
..
..
#فاطمیه #کهنمویی #ریاضی_تبریزی #ترکی #زبدةالاشعار
نظر دهید