ایکی گوزوم ایشیقی گیتمه بیر دایان دور على #اکبریه_صدری_اردبیلی

وداع حضرت علی اکبر (ع)
.
.
مرحوم صدری اردبیلی
.
.
ایکی گوزوم ایشیقی گئتمه بیر دایان دور على
گلور دالونجا اورک، دور اونی دایاندور على
.
ایاقون آلتینا باخ هر قدم گوتوردوکجن
ایاقون آلتدأ گئدن جان ناتواندور على
.
قدم گوتوردوکجن رشته ی اورک اوزولور
بو سؤزده شاهد اوزی حیّ لامکاندور على
.
دولاندوروب یوزوی خیمیه نظاره ائله
غرض بو جانیمی آل باشوه دولاندور على
.
مژون خدنگینی آت وورگیلان اورک باشینا
شکسته گوگلومی آلقانیله بویاندور على
.
گوزون فداسی اولوم بیرده باخ آنون یوزینه
یانان اورگیمه اود وور دوباره یاندور على
.
کشیده قاشلاروا جانیمی تصدّق ائله
تصدّقیله بلا رفع جاوداندور على
.
گئدوب گئدوب دوللانوب باخما کج نگاهیله
من فلک زده نی آز باخوب اوتاندور على
.
او باخماقوندا بالا آنلانور ندور مطلب
ولی نه فایده که چاره سی نهاندور على
.
اورکده مشکلوی ساخلیوب منه دئمدون
او نسگلون من بی یاره چوخ گراندور على
.
منه باخاندا گوزون اشگیله دولور بیلّم
یانور منیم حالیما خاطرون عیاندور على
.
بیر آز تأمل ائله خیمه نی ائدوم خلوت
دیوم سنه سؤزومی آخرین زماندور على
.
اورکده نسگلیم اون سگیز ایلدی گیزلدورم
اودور بو گوگلوم ائوی لخته لخته قاندور على
.
بو معجری که یئره سالمیشام ایاق قویاسان
بهاسی چوخدور أوزی رنگ زرفشاندور على
.
همین بو معجر زردوزی من گلنده گلین
بابون على منه وئرمیش اونی هاچاندور على
.
بو نیتیله أونی ساخلادوم على سنیچون
طویوندا باشه سالام نیّتیم هماندور على
.
طوی آرزوسی بو گون ماتمه اولور تبدیل
بودور گواهی اونون گوز یاشیم رواندور على
.
بو معجر اوسته على بیر دولان خرام ایله
دویونجا قامتیوه من باخوم اماندور على
.
دالونجا هر نقدر باخسا گوزلریم دویماز
مگر بو باخماقیلان گوزلریم دویاندور على
.
اورک دگل اورگیم صبر ائده فراقونده
آدی اورک اوزی مین درده آشیاندور على
.
دوتوب غمون گوزومی گورمورم او گل یوزوی
سسون ضعیف آلورام بو سؤزه ایناندور على
.
نولور منه وئره سن بیر لچک عماموندن
اورک باشیندا اونی ساخلیام نشاندور على
.
بئله خیال ائلمه بیرده من قالام زنده
مگر بو غصّه منی دهرده قویاندور على
.
توجه ایله اوزون «صدرینی» قوتار غمدن
سنون غمونده یازوب نوحه آغلیاندور على
.
.
#اکبریه #صدری_اردبیلی #اکبریه_شهادت #ترکی #زبدةالاشعار