گئجه گوندوز دولانیر گردشه دوران گورورم #پندیات_جعفرپور

گردشه دوران گورورم …
.
✍️ زبدة الاشعار ✍️
.
🆔: @nohe_torki
.
#جعفرپور
.
گئجه گوندوز دولانیر گردشه دوران گورورم
چوخونون گوز یاشینی ایلییر آلقان گورورم
.
چوخ وفاسیزدی فلک گونده نئچه رنگه دوشور
مردی نامردین الیله ساتیر ارزان گورورم
.
نَنَه لیک تک چکیری نازینی بئش گون هره نین
سورا قیقاجی باخیب ایلوری پِشمان گورورم
.
مظلومون بیر پالازی اولسا فلک الدن آلیر
ظالمین اوسته سالیر بیر نئچه یورقان گورورم
.
پوللولار گونده مینیر بیر تَزَه قیمتلی ماشین
پولسوز حسرت ده قالیب تا آلا پیکان گورورم
.
قاریشیر بیر بیرینه ایندی حلالیه حرام
ساتیلیر سیم و زره دینیله ایمان گورورم
.
میلیون ایله دلاری گونده یئیر دانه درشت
خلقی آللاتماق اوچون پایلاییر احسان گورورم
.
بیر گونو آسیادا بیر گون اروپانی گزیر
واریدیر مرّیخه ده گئتمَگَه امکان گورورم
.
دهریده چوخلاری وار، یوخدو یاوان بیر چورَگی
آج قارینلا دولانیر گوزلری گریان گورورم
.
بو زماندا وئریلیر چوخلو یالان وعده بیزه
یالان از بس چوخالیب دوزلری پنهان گورورم
.
هر گلن باشیمیزی قاتدی یالان وعده لره
وئردیگی وعده لری ایله دی کتمان گورورم
.
گونو گوندن چوخالیر خالقیمیزین دردی یامان
یوخدو بیر کیمسه ائده دردلره درمان گورورم
.
اومودوم وار چئخا گون تا گئده ظلمت آرادان
چوخونون باغری اولوب ظلمیله آلقان گورورم
.
حله مین دن بیرینی خالقیما اعلان ائله دیم
خالقیمین واردی «صبا» موشگولو میلیان گورورم
.
#پندیات
#گئجه_گوندوز_دولانیر_گردشه_دوران_گورورم
#ترکی
.
✍️ #زبدةالاشعار ✍️
.
🆔: @nohe_torki