باجون زینبی دور گور اماندور آتام اوغلی

زبانحال خواهر امام در کوچ از کربلا
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک

مشابه

.
علومی تبریزی
.
باجون زینبی دور گور اماندور آتام اوغلی
باشون آردیجه شامه رواندور آتام اوغلی
.
.
دونن قانه غمینده بو گون گوز یاشیم ایوای
دوشن درد و بلایه بلالی باشیم ایوای
قالان پیکری عریان سوسوز قارداشیم ایوای
بو حالون من زاره گراندور آتام اوغلی
.
.
باجون واریری یانسا ئولونجه محنینده
نه بارماقون الینده نه باشون بدنینده
گیدوب غارته مندن آلان پیرهنینده
حسین وای منه ورد زباندور آتام اوغلی
.
.
نه رحم ایلوری دشمن من زاره یارالی
گلور قمچی الینده ویرور یاره یارالی
نه اطفاله باخولّار نه بیماره یارالی
و اولوم حالی بالاندا عیاندور آنام اوغلی
.
.
اوزون رسم و فانی بو صحراده نشان ویر
باجون قلبینه بیرده آنام اوغلی توان ویر
مسافر دالسینجا ایاقه دور اذان ویر
باجون شامه گورورسن رواندور آتام اوغلی
.
.
نه مهلت ویرور اعدا سنه آغلیه زینب
توکوب گوزیاشی گوزدن سینه داغلیه زینب
قلنن نیزه یاراسین قالوب باغلیه زینب
و بو غمدن قد زینب کماندور آنام اوغلی
.
.
بو صحرایه گلنده باجون یاریله گلدی
علی اکبر و قاسم علمداریله گلدی
نه نوعی گئده یالقوز چوخ انصاریله گلدی
ولی همرهی شمر و سناندور آنام اوغلی
.
.
ندن بیله یاتوبسان بو میدان آراسندا
قالوب باشسیز عیالین بیابان آراسندا
یارالی بیله یاتما قزل قان آراسندا
اویان گور نجه شور و فغاندور آتام اوغلی
.
.
سوزوم یوخ که لب عطشان کسوب باشوی عدوان
نه انصافدور اما ایا خسرو خوبان
بیله گون قاباقندا قالا پیکرون عریان
باشون ظلمیله زیب سناندور آنام اوغلی
.
.
دیسم نجم سمادن یاران جسمده چوخدی
یقیندور یاراسیز یر بوگل جسمده یوخدی
منی یاندوران اما بو اوچ شعبه لی اوخدی
که قان چشمه تک اوندان رواندور آتام اوغلی
.
.
هامو اهل عزایه علومی ایله خدمت
سنه اردبیل اهلی ایدوب مهر و محبت
ایله مطلعی بیرده او احبابه قرائت
باجون زینبی دور گور اماندور آتام اوغلی
.
.
#کوچ_کربلا_علومی_تبریزی
#باجون_زینبی_دور_گور_اماندور_آتام_اوغلی
#ترکی

.
✍️ #زبدةالاشعار ✍️
.
🆔: @nohe_torki