در مدح حضرت امیرالمومنین علیه السلام
.
✍️ زبدة الاشعار ✍️
?: @nohe_torki
.
محمد رضا صادقی
.
#فارسی
.
باز خامه محشری با نام مولا می کند
با خیال مرتضی در صفحه غوغا می کند
.
معترف گوید اگر مولای انس و جان علیست
در قیامت رحم بر وی حی اعلا می کند
.
#ترکی
.
مرتضا نوریله زینت ویردی عرشه کبریا
گوردولر عرش خدا اول نوریلن تاپدی ضیا
.
قالدی حیرتده ملائک سسلنوبلر یا اِلاه
هانسی نوریندور ویروبدور عرشیوه بیله صفا
.
خلق ائدندن سن ملائک دسته سین بولموردیلر
عرش و فرش اولدی بو نورین پرتوندان اِنجلا *
.
نُه فلکده گورسنوبدور بیر عجایب منظره
نوریدن نور آلدی شمسیله قمر مین لر سُها
.
تا تجلّی ایلیوب یرده اولوبدور انقلاب
کل اشیاء بیر شعاعیندن ائدوب نشو و نما
.
سس گلوب ربّ جلی دن نور اعلادور بو نور
من یاراتدوم یرده وورسون ذات اقدسدن لِوا
.
گئچدی مین لر ایل ائدوبدور خلق شکل آدمی
احسن الخالق دیوب ئوز ذاتینه صد مرحبا
.
سسلنوبلر قان توکن دور ظلم ائدن دور بو بشر
ذاتیوه بسدور اگر بیز ایلیاخ حمد و ثنا
.
گوردولر سس گلدی «انّی اعلم» ، «لاتَعلمون»
«اُسجدوا»امر ایلیوبدی ذات پاک لایریٰ
.
ذکر تسبیحیله دوشدی اول ملائک سجدیه
سوزلریندن محضر حقّدن ائدوب حجب و حیا
.
«فَاِذا سَوَّیتَهُ » نفخ اولدی جسمه روح حق
«عَلَّمَ الاٰدم»،«لِاَسما کُلُّها» دن مِن خفا
.
ثمَّ «قالَ اَنبِئونی» سوزده صادق سوز اگر
گلدی «سُبحانَک»«لَنا لا علم»جز «عَلَّمتَنا»
.
امر اولاندا «اُسجدوا» آگه اولوب کلّ ملک
سجدیه دوشدی بو ایشدن ایلیوب «ابلیس ابیٰ»
.
طرد اولوب درگاه ذات کبریادن اول دنی
بو عملدن قعر سُفلاده تاپار رنج و عنا
.
امراولوب آدم گلوبدور همسریلن جنّته
رحمتوندن سویلیوب «هذه الشجر»«لا تَقرَبا»
.
سالدی شیطان لغزشه حوّائیلن اول آدمی
«اهبِطوا» مِن جنتی قهراً گلوب حقدن ندا
.
نچّه ایل حوّانون هجرینده گلوبدور نالیه
گوردی یر اوسته بو درده یوخدور آخر بیر شِفا
.
یاده سالدی عرشیده بیر نور گورموش منجلی
ذات حقّه آند ویردی آغلیوب اول بینوا
.
توبه سی قبول اولوب حوّانی تاپدی شوقیلن
گوردی اول نوریلن اولدی جسمی غملردن رها
.
عرض ائدوب ای قورتاران غمدن گنهکار آدمی
کیمدی اول نوریندن اولدی غصه لر مندن جدا
.
سس گلوب خلق ائتمیشم من اول وجودی نوریلن
بو علی دور قورتارار هر کیمسه نی دوتسا بلا
.
یاندرانماز آتش دوزخ ایله بیر بنده نی
ذره جه اولسا اگرهر قلبیده حُبّ ولا
.
اشکیلن گوزلر دولوب سسلندی اول دم یا علی
ذات معبوده آچوبدور اللرین ایتدی دعا
.
گون طلوعینده آلاردی نورینی اول نوریدن
هر غروبینده او نوره ایلیردی التجا
.
گون دولاندی چوخ وجوده سالدی مولا نورینی
بحر حیرتده قالاندا سسلیردی انبیا
.
نور مولا طوریده موسانی بیهوش ایلدی
داریدن عیسانی حُبّ مرتضی قورتاردی،تا
.
سسلیوبدور یاعلی ناره دوشن وقتده خلیل
گوردی سجّاده آچوبدور ایلوری سجده بپا
.
گئچدی بو منوالیلن ایام ، اولوب ماه رجب
اون اوچونده درک ائدوب بطنینده اوغلون تا آنا
.
راویدور«قَعنَب یزید اوغلی» دیَیَر گوردوم او دم
ناگهان بطنینده درد «حَمْلَه» اولدی مبتلا
.
دوردی کعبه جانبینده عرشه سالدی بیر نظر
عرض ائدوب یارب سنیلن چوخ واریمدور ابتها *
.
آند ویرّم اول کتابه کی اولوب نازل بیزه
بیرده ابراهیمه جدیم ، کعبه نی ایتدی بنا
.
نچّه مدتدور منیلن هم کلام اولموش بالام
وار یقینیم گلسه دنیایه تاپار چوخ ارتقا
.
حملیمی آسان ائله ای ذوالجلال و ذوالکرم
آند ویرّم بَر وجود اوصیا و اولیا
.
چون دعادن ال گوتوردی فاطمه بنت اسد
ائتدی منشق کعبه دیوارین به حکم اقتضا
.
سویلوری بنت اسد وارد اولاندا کعبیه
گوردوم انعام بهشتی، حملیم اولدی انقضا
.
ایستدیم خارج اولام اوچ گون صورا اول بیتیدن
هاتف غیبی محبتله منه ائتدی ندا
.
قوی آدین فرزندوین یا فاطمه سسله علی
بعد پیغمبر اولار بو امت ایچره پیشوا
.
عمرونون اون ایل بهاریندن گئچوبدور وحی اولوب
«اقرا باسم ربک» آیه گلوبدور فی اْلّحَرا
.
دعوت ایلوب دین حقه تا نبی، اطرافیدن
گلمیوب بیر سس، مگر سس گلدی مولادن بَلیٰ
.
یعنی دین پاک حقه سیّدی حامی منم
ایسته سن گر ریشۀ اسلامه ویرّم من دِما
.
اولدی پیغمبر حضورینده وجودی شعله ور
دین اسلامه عجب رونق ویروبدور مرتضیٰ
.
معتبر سوزدور یازور بو خامه قلب دفتره
جنگ خندقده ووراندا تیغی گلدی «لافتیٰ»
.
گوردی معراجه گئدنده مصطفی جبریلیلن
دوردیمینجی گویده یوزدن چوخدی باب اهتدأ *
.
آچدی تا بیر بابینی مین منبر اولدی آشکار
هر بیرینده گوردی مولانی ائدوبدور اتکا
.
ترک ائدوب اول آسمانی بُولدی گلمور جبرئیل
قرب حقه بو مکاندور جبرئیله انتها
.
رفرفیله اوج ائدوب عرشه یتیشدی تا نبی
دوردی بیر پرده دالندا حقّیدن گلدی صدا
.
حال حیرتده دییوبدور رحمة للعالمین
گوئیا بو مرتضادور صحبت ایلور برملا
.
تاپمیوب بیر چاره ال ویردی ، چخوب ال پرده دن
گوردی بو ال چوخ گلوبدور مصطفایه آشنا
.
بیر نشانه قویدی ال اوسته طعامیندن نبی
قصد مقصد ایلیوب گویدن گلوب اول مقتدا
.
مرتضی گلدی زیارت ایلسون پیغمبرین
خوش گئچوب عرض ایلیوب یاسیدی؟ اول مه لقا
.
بیر نظر سالدی نبی اول دم علینون دستینه
یا عجب گوردی علینون بیر الینده وار غذا
.
سویلوب احسن یابنَ ٱلْعَمی ئوپدی رأس انورین
گر دئسم حق محضریندیدی سوزوم اولماز خطا
.
قدرینی زهرائیله پیغمبر خاتم بولر
یوخدی بیر کس درک ائده شأن علینی مطلقا
.
معجزاتیندن علینون گر قلم ائتسه رقم
ما خَلق کاتب گرک اولسون مین ایل صبح و مسا
.
حسنوده مین یوسف مصری اولوبدور بنده سی
حقی وار درگاهینه روح الامین دربان اولا
.
سایه سیندن جنگلرده دشمن ایلردی فرار
صولت شیر خدادن خوف ائدردی اشقیا
.
عَمرو تک بیر پهلوان خندقده اولدی روبرو
غیرت اللهه «خَدو» آتدی او مرد بی حیا *
.
نیزه سین تا قوزادی وورسون علینون باشینه
بیر الیلن رد ائدوبدور نیزه نی اول مقتدا
.
باخدی بیر گوی سمتینه اللّهُ اکبر سسلدی
بیر الیلن ذوالفقاریله ائدوب عَمری دوتا
.
سس گلوبدور غیبیدن «لاسیف الا ذوالفقار»
«لافتی الا علی»احسن گلوب گویدن ندا
.
بسدی شأنینده بونون بیر ضربهٔ شمشیرینه
ماخلق ائتسه عبادت ایلمز حقین ادا
.
باخ شجاعتده علینون رتبهٔ والاسینه
درب خیبر بیر اشاریلن تاپوبدور انحنا
.
گرچه سوز اولدی مطول دلنشیندور مطلبون
قوی چکلسون نظمه دوشموش یاده آیری ماجرا
.
نقل ائدور روای سورشدوم مرتضادن بو سوزی
اسم اعظم سنده وار آیا؟ دیوب واحسرتا
.
جانشین انبیاده وار او اسمادن بیری
همچنان که گتدی تختی « آصف بن برخیا » *
.
لیک آگاهم ازلدن ، کل اسما منده دور
اولماسیدیم خلقت اولمازدی ازلدن ابتدا
.
واقف اول مرد عرب پیغمبرین ئوز قولیدور
شهر علمم من اگر تنها علیدور «بابُها»
.
ساقی کوثرقسیم النار والجنتدی بو
روز محشر اللرینده وار گوزی شاه و گدا
.
مرتضیٰ استاد اولا شاگرد اولار اوغلی حسن
دینی محکم ایلیوب اولده صلح مجتبیٰ
.
تا حسین گوردی اولوب تضعیف دینون پایه سی
غیرتیندن قانیلن قوردی بساط کربلا
.
هم حسین و هم حسن اولاد پیغمبردیلر
هم خانم زهرایه اولسون شیعه نین جانی فدا
.
چخما مطلبدن قلم، سوز مرتضی حقّینده دور
گرچه نور چشم پیغمبردی شاه کربلا
.
مجلس مولاده اگلشموش ملائک سربه سر
گرچه بو مجلسده حاضردور سراسر انبیا
.
یاز علی حقینده سوز، الله بولور تک رتبه سین
شوقیدن آز قالدی جسمیمدن بو روحیم آیرلا
.
راوی پیغمبردی سلمانه دیوب بو مطلبی
نچّه سوز سرّی گلوبدور محضر حقدن ندا
.
لبّ مطلب بوردادی شخصاً دیوب ذات احد
ای حبیبیم گئت دینن امت اولا غمدن رها
.
من حرام ائتدیم جهنم شعله سین هر کیسمه نین
نوک سوزن تک اولا قلبینده عشق مرتضیٰ
.
« صادقی » دریا مرکب اولسا طوباده قلم
مرتضانین شأنینه هیچ جمله اولماز انتها
.
دوت ولایت دامنیندن یاز علیدن صبح وشام
روز محشر راضی اولسون حضرت خیر النسا
.
بولمورم دوز سالدی هانسی اولیادن شعریوه
یا دوتوبدی دست حق معناده اولدی رهنما
.
مست ائدوبدور مطلبین مولا علی عاشقلرین
هر گورن بو شعری سویلر آفرین صد مرحبا
ــــــــــــ
* خدو : آب دهان
اهتدا : راه راست یافتن
انجلا : اشکار شدن ،هویدا
آصف بن برخیا : وزیر و وصی حضرت سلیمان
ابتها: الفت گرفتن ، مونس شدن
? قرآن مجید ، منتهی آلامال و …
.
#حیدریه_مدح
#باز_خامه_محشری_با_نام_مولا_می_کند
#محمدرضاصادقی
#فارسی_ترکی
.
✍️ #زبدةالاشعار ✍️
?: @nohe_torki
نظر دهید