به به بو پاک روضیه اهل ولا گلور #رضویه_مقنی_ممقانی

روضۀ امام رضا ( ع )
..
..
..
..
مُقنِّی ممقانی
..
..
..
..
به به بو پاک روضیه اهل ولا گلور
فیض آلماقا بولار هاموسی بر ملا گلور
..
هی دسته دسته شوقیله زُوّار دور تمام
آلماقه هامّی دردینه قطعی دوا گلور
..
هیچ کیم بو آستانه ده مأیوس اولمیوب
بولموش هامی بو درگهی باب رجا گلور
..
عورت اوشاق بیوک کچیک عمده امیدیله
اوز عرض حالین ایتماقا شاه و گدا گلور
..
بعضی قویوبدی چگنینه بوینون سوزین دیور
نی تک سزیلدوری بیری دلده نوا گلور
..
ال سینه ده بیری توکوری گوز یاشین یوزه
آخدیقجا اشکی قلبینه ذوق و صفا گلور
..
بو صحنلر تمامیسی باغ بهشتدور
هر بیر مشامه بوی بهشت علا گلور
..
سن معدن سخاسَن امام رئؤف سن
بو بقعه دن غنی قییدور هر گدا گلور
..
یوز قاره دست خالی و دامن دولی گناه
اهل خطا بورا به امید عطا گلور
..
لطفیله گر نظر قیلاسان غملو گویلومه
دردیم نقدر اولسا اورکده دوا گلور
..
نومید ایلمز گلنی صاحب کرم
نومید لر بو درگهه دلده رجا گلور
..
شاها مقّنی دور سیزه بیر خادم ذلیل
گر لطفون اولسا عزّت اونا بر ملا گلور
..
..
..