بو دوزدی ایندی حقه لا ديیللر #فاطمیه_مصیبی_تبریزی

《زبانحال مولا علی (ع) با حضرت زهرا (س) در ایام احتضار آن حضرت و گفتن سرّی از اسرار مگو و اخبار آینده》
..
..
..
..
مصیبی تبریزی
..
..
..
..
بو دوزدی ایندی حقّه ؛ لا ديئللر
احبّا جمعينه ؛ اعدا ديئللر
..
دئیوم بیر سوز داخی حسرتدن ال چک
بونا سرّ مگو گویا دیئللر
..
گچر دوران گلر بیر عده عاشق
ولايت صحبتين؛ تنها ديئللر
..
منى سسللله مولای دو عالم
سنی انسیّه حورا ديئللر
..
قوراللار هر طرفده بزم ماتم
حديث لا فتى الّا ديئللر
..
بير عده زينبين عشقينده آغلار
بير عده ياحسين امّا ديئللر
..
سالاللا یاده دشت کربلانی
او دم يا لَيتَنا كُنّا ديئللر
..
دوتار بعضی منیمده دامنیمدن
چتین گونلرده یا مولا ديئللر
..
بير عده مجتبادن خلعت ایستر
کرمده اوغلووا دريا ديئللر
..
ولیکن چوخلارینین عشقی سن سن
مُطهر آدیوی باجا ديئللر
..
در و دیواری ياد ايلوب ياناللار
او احوالاته واويلا ديئللر
..
بیر عده کوچه نین شرحين ائشیتجاق
او نامرده بد و بیرا دیئللر
..
بيرعدّه عصمتیندن دم ووراللار
سنه تفسير كرّمنا ديئللر
..
او گونلرکیم چکر ال دامنوندن؟
سنى صاحب دم عيسى ديئللر
..
صفالی آدیوی مرهم بولنلر
دوشنده درده یازهرا دیئللر
..
مصيب؛ياز ولایت ساحتیندن
کی احسن شعریوه قوخمادیئللر
..
..
..