بو علی اکبردی قارداش قاننه غلطان گتوردون #سعدی_زمان

زبانحال علیا مکرمه (س) بحضرت حسین (ع)
در شهادت جناب علی اکبر (ع)
.
✍️ زبدة الاشعار ✍️
.
🆔: @nohe_torki
.
مرحوم حسینی #سعدی_زمان
.
بو علی اکبردی قارداش قاننه غلطان گتوردون
یا پوزولموش گلستاندان دسته گل خندان گتوردون
.
.
نوگل صد برگ دور بو شکل زیباسین دوتوب قان
سنبل تردور سولوب بو یا که زلف عنبر افشان
قامتی سرو سهی دور سرنگون ایلوبله دونان
بو نه گلدور بو نه سنبل بیر چمن ویران گتوردون
.
.
ارغوانی رنگ آلی باد ظلمیله سولوبدور
نرگس چشم خماره پرده پرده قان دولوبدور
نیزه و خنجرلریله گل کیمی اوراق اولوبدور
عترت شاه حجازه شور بی پایان گتوردون
.
.
قطعه قطعه دوغرانوبدور پیکری گل گلدی قارداش
باش باشا اوخلار چاتوبدور گوئیا سنبلدی قارداش
گل یوزین گورسه سکینه دوزماقی مشگلدی قارداش
پر شکسته عندلیبه مایۀ افغان گتوردون
.
.
قلب عالم سن حسینیم واردی سنده صبر دریا
بو ثبات و صبریله سن دوزموسن بو حاله اما
سن بو احواله قالاندا نیلسون بیچاره لیلا
لیلیه ایوای اوغولوای ذکرینه عنوان گتوردون
.
.
وار یری چخسا اوزیندن لیلی بو جسمی گورنده
غشّدیدی خیمه لرده اوغلی میدانه گیدنده
هوش چخمشدی باشندان حاله گلدی سن گلنده
بینوا لیلانی مجنون ایتماقا فرمان گتوردون
.
.
یوسف مصر وفادور بو جوان ماه سیما
چین زلفنده سالوبدور دام عشقه مین زلیخا
رشته جاندور کلافه مشتری سی آل طه
خیمه گاهون مصر بُلدون بیر مه کنعان گتوردون
.
.
چاک چاک ایلوب وجودین شام و کوفه اشقیانی
نقشۀ جسمین پوزوبلار شکلنون واردور نماسی
فوج مژگان تک دوزولموش سینه سینده اوخ یاراسی
خانۀ زنبوردور بو یا بدن شان شام گتوردون
.
.
بو نه عالمدور قیامت عالمین اعلان ویرورسن
اکبرین زخمین یوزونده اشگویله سان ویرورسن
جانویروب جدّیم شبیهی سن اوزونده جان ویرورسن
احتضارونله منیمده حالیمه میزان گتوردون
.
.
شدّت سوز عطشدن آل پیغمبر یانوردی
سوزش غمدن علاوه اود دوتوردی اودلانوردی
سو امیدیله سوسوزلوق آتشین آسان سانوردی
یأسه دوندردون امیدی آتش سوزان گتوردون
.
.
تل به تل قانه باتوبدور تار زلف مشگباری
سلب اولوب آلعبانون صبر و تاب و اختیاری
اوز ایاقیله گیدنده گیتدی جدّیم یادگاری
دوغرانان نعشین عباده ایشه عطشان گتوردون
.
.
چوخدور آداب توسّل اوّلی داد و فغاندور
کیمسه بو باب کرمدن ناامید اولماز عیاندور
علت قربت حسینه ناله و اشگ رواندور
گل «حسینی» یاخشی گلدون دیدۀ گریان کتوردون
.
#سبک_ای_ویرن_ویرانه_یرده … 4 سبک
.
#اکبریه_شهادت
#بو_علی_اکبردی_قارداش_قانینه_غلطان_گتوردون
#کنزالحسینی2 ص9 (کلیات ص 253)
#ترکی
.
✍️ #زبدةالاشعار ✍️
.
🆔: @nohe_torki