تا رضا واردی عزیزیم عزت ایرانونکیدی #رضویه_غمکش

در وصف حضرت امام رضا (ع)
..
..
..
..
..
مرحوم غمکش
..
..
..
..
..
تا رضا واردی عزیزیم عزت ایرانونکیدی
عشقیدی عالملره ماهیت ایرانونکیدی
بوشلا هرزه ملتی امنیت ایرانونکیدی
من دئيوم سن عشق ایله حیثیت ایرانونکیدی
اعتراف ایلور عربلر غیرت ایرانونکیدی
..
..
..
..
..
خلق ائدوب خلاق عالم بو نور سرمدی
اعتبار عالم امکاندی نام ابجدی
جنته یکسر برابردی او زیبا مشهدی
کربلایه او خشویور آری منور مرقدی
شكر اولا اللهينه بو جنت ایرانونکیدی
..
..
..
..
..
بارها ائتدی عنایت قورتاروب گردابیدن
ملت ایرانی سئچمئز باوفا اصحابیدن
چوخلارین پرقیمت ائتدی بلکه در نابیدن
سن بیر اون دورت شمسی چیخ تنها فقط اعرابیدن
گور نئجه اوندا برادر شوکت ایرانونکیدی
..
..
..
..
..
مصطفى يثربده سالدی سفره لطف و کرم
آدی گلدیکجه سلام ايلور اونا كلاً اُمم
مرتضایه افتخار ایلور هامی اهل حرم
کعبه اولدی زادگاهی اولدی آنان محترم
بیلسون عالم بو پیامی حضرت ایرانونکیدی
..
..
..
..
..
مجتبی گلدی جهانه وئردی عزت عالمه
دیللره ایلور حکومت بند قلب فاطمه
وار حسن تا دردیوی بیر کیمسیه اصلاً دئمه
دون بقیعه درد و دل ایله برادر غم يئمه
آل نتیجه عشقه باخ شخصیت ایرانونکیدی
..
..
..
..
..
تا قدم قویدی جهانه حضرت مولای عشق
گوزلرین آچدی آچیلدی دفتر و معنای عشق
فرش و عرشه افتخار ائتسون گرک دریای عشق
جان تاپوب تنها حسینیله فقط سیمای عشق
بير بئله مولایه باخ تهنیت ایرانونکیدی
..
..
..
..
..
یالواراخ لازمدی هر گون بیزلره باش چک حسین
بذر عشقی دیللره لطفونله ایندی اک حسین
دیر ناقون عالملره عشقه قسم وئرمک حسین
سنده تک سن عرض ائدیم دنیاده الله تک حسین
عرش و فرشی تیتردن باخ ملت ایرانونکیدی
..
..
..
..
..
حامی اسلام و قرآن حضرت سجادیدی
نور واحد هر ایکی دنيا على اولادیدی
یعنی اعجازه نیازی یوخدی ذکر استادیدی
بو گوزل عشقه فدا ایرانیلار مولاسیدی
اوج ائدن شخصیت و تربیت ایرانونکیدی
..
..
..
..
..
حضرت باقر آقام آزاده لر آزاده سی
سسلير شخصاً اونی آماده لر آماده سی
مست ائدوبدی شیعه نی دنیاده عشقون باده سی
وار يئرى داى من اولام آواره لر آواره سی
قوردی مجلس ایندیده هر هیئت ایرانونکیدی
..
..
..
..
..
بیر اوغول گتدی وجوده دینون اولدی شهپری
گورمیوبدی دیده عالم بئله بیر سروری
کیم اگر مولا بیلور پیغمبری هم حیدری
مذهبی اولسون گرکدی نام نیک جعفری
عالمه گلمکده شاید حکمت ایرانونکیدی
..
..
..
..
..
اون ایکی نوره قوناقدی شیعه داوردن صورا
قالمادی آواره امت تک پیمبردن صورا
یعنی آلتیمجی همای نور انوردن صورا
یوخ امیدیم حضرت موسی بن جعفردن صورا
باشدا یازدی ای جماعت نوبت ایرانونکیدی
..
..
..
..
..
سگیزیمجی باب رضوان ساقینی سرمست ائدوب
صاحب فضل و کرامتدی حقی پیوست ائدوب
نیستیدن یوخ بیر خبر باخ گور نئجه سن هست ائدوب
ملت ایرانی مولا عاشق دربست ائدوب
کعبه تک دون باشینه بو تربت ایرانونکیدی
..
..
..
..
..
حرمت ایلر حضرت مولا يقين زوارينه
بیل گینن مشتاقیدی حور و ملک دیدارینه
اهل عالم ایستیور گلسون اونون دربارینه
چوخ عنایت ایلیر مهمانینه، بیمارینه
ظاهراً گوزلر گورنمور قدرت ایرانونکیدی
..
..
..
..
..
حيف اولا مولایه ایذا ايلدى قوم فتن
سولدی سوزشدن سارالدی گلشن و باغ و چمن
زهری داخل ایلیوب انگوره نااهل اهرمن
سسلیوب معصومه نی اللّٰه بيلور بیلمم ندن
تا قیامت آغلیون بو محنت ایرانونکیدی
..
..
..
..
..
«غمکشا» یاز روضه آغلا ایلسون مولا نظر
بسدی با خسا هم ئوزی هم خواهری بیر مختصر
سوزلرون اهل عزايه ايلير حتماً اثر
ذكرون اولدی یارضا خوش حالووه شام و سحر
قالسا شعرون هر زمان تقویت ایرانونکیدی