تاپوبدی معنیِ کوثر ولادت یا رسول الله #فاطمیه_رضوی_زنجانی

میلادیه حضرت زهرا سلام الله علیها
.
.
#سبک_شب_میلاد … 4 سبک ( با واگیر و بدون واگیر )
.
.
#رضوی_زنجانی
.
تاپوبدی معنیِ کوثر ولادت یا رسول الله
پر آچدی باشیوه مرغ سعادت یا رسول الله
سالوبدی نور حق
ایشیق بو عالمه
مبارک مقدمین
اولا یا فاطمه
.
.
.
گوز آچدی عالمه زهرا ایشیقلاندی دل طاها
سووندی خاتم مرسل دولوبدی نوریلن دنیا
منور اولدی مافیها چخوب مهر جهان آرا
گول آچدی غنچۀ باغ رسالت یا رسول الله
.
.
دُرِ کنز حیا گلدی یره نور خدا گلدی
گل اهل کسا گلدی عزیز مصطفی گلدی
ئوپه خاک قدومیندن یره اهل سما گلدی
ملک لر سسلدی یکسر بشارت یا رسول الله
.
.
نزول ائتدی او دم فوراً یره روح الامین گلدی
گتوردی آیۀ قرآن او پیک مه جبین گلدی
دئدی وئر مژده یا مولا یره فخر زمین گلدی
جلالیوه حق آرتیردی جلالت یا رسول الله
.
.
سنه لطف ایلدی الله بو عالمده گل اطهر
سر نسوانه زهرادی ایکی دنیاده چون افسر
حق منان بو مولودین آدین ذکر ایلیوب کوثر
سنه حق گور انئجه ائتدی عنایت یا رسول الله
.
.
جهانه جلوه سین سالدی او دم که نیّر اعظم
وورار درگاهینه بوسه مباهات ایلیر مریم
بو زهرا که بونون نوریله روشن اولدی بو عالم
ولایت اهلینه ایلر شفاعت یا رسول الله
.
.
بو عالمده اولوب روشن ایشیقلی کوکب عصمت
گلوب پیک خدا گویدن الینده آیۀ رحمت
بو مولود مبارکده یقیناً وار دئدی حکمت
وجودی ایلیور حقه دلالت یا رسول الله
.
.
.
#فاطمیه_میلادیه
#تاپوبدی_معنی_کوثر_ولادت_یا_رسول_الله
#ترکی
.
.