حالات حضرت علی اصغر
.
✍️ #زبدةالاشعار ✍️
.
🆔: @nohe_torki
.
مرحوم شایق اردبیلی
.
پر آچوب گلدی هواده دله پیکانون اوجی
تیكدی گل برگینی شاخ گله پیکانون اوجی
.
.
باغبان باغیده نفسیله ائدوب جنگ و ستیز
نفسی مغلوب ایلدی ائتدی ولی اشگینی ریز
دئدی آیا گورونوب ای فَنرِ حربه ی تیز
جان وئرن وقتیده بلبل گوله، پیکانون اوجی؟
.
.
رقّته گتدی بو غم یدّی یری نُه طبقى
قالدی چنگالیده مسلم کیمی قرآن ورقی
عار اولا کوفه ده حداده ائدوب شغل شقى
دییه جک بیلمدی هانسی دِله پیکانون اوجی
.
.
یتیشوب حرملیه نار سقر، آتش ری
ری هواسیله قدم وردی اولار اولدی سَفِی
بیلمدی هئچ بیریسی چرخ چهارمده گَزِی
دفعاتیله دییر اینجلَه پیکانون اوجی
.
.
دیسکنوب آچدی گوزون گولدی او قربانِ گولش
دئدی بلبل لره رمزیله أئدون رفع عطش
نهر علقمدن ایچون سو، اولون زمزمه کش
دگدی سو اوسته من بلبله پیکانون اوجی
.
.
سپیلیب قان فلکه، یوز فلکه دوتدی رباب
هامی ارواح پیمبر فلکه ائتدی شتاب
باش باشا وئردی بشی ناله کنان سینه کباب
انبیا قلبینی چکدی میله پیكانون اوجی
.
.
شهدا محنتینه آغلادی ارواح نبی
گوردیلر آچدی باشین باشدا شهنشاه نبی
اولدی شش ماهه علی اصغره دلخواه، نبی
حسدیندن آلیشوب گون، گوله پیکانون اوجی
.
.
چولون آهولرینه دوتدی یوز آهوی شکار
دئدی صیادی گورنده ائلیون عزم فرار
دایانوب رم یمیون اوچی دالوزجا اوخ آتار
قاچماقا وئرمز او دم فاصله پیکانون اوجی
.
.
قویمیون خار مغیلان توخانا حنجروزه
زخمدار ایلیه قان جاری اولا شهپروزه
قییدون سیر و صفادن اوجا منزلّروزه
منى قویمادی گئدم منزله پیکانون اوجی
.
.
گون قباقینده آنام اوتدی گونوز داد ائلدی
منی سالدى یادینا ناله و فریاد ائلدی
آلیشوب قلبی، فغان مادره، نوزاد ائلدی
گون غروبینده باری گئت پیله پیکانون اوجی
.
.
دگمیوب قلبووه پیکان یاراسی اوخ یاراسی
بیلمیورسن نه یامان سختیدی آز چوخ یاراسی
هئچ بیر عضوونده همین اوچ پر اوخون یوخ یاراسی
سالمیوبندی سنی چولدن چوله پیكانون اوجی
.
.
منی صحرالره سالدی ایلدى باغریمی قان
جگریم قانی گوزومدن اوزومه اولدی روان
نئجه قان آغلامیوم ایلمیوم آه و فغان
دوندروب اشگیمی قانه، سیله پیکانون اوجی
.
.
سالدی اوخ زلزلیه گنبد شاه نجفی
نالیه گتدی دم ماهیده درّ و صدفی
زهریدن سوایله آلمیشدی اونون هر طرفی
دگجگین کئچدی او تَر سُنبله پیکانون اوجی
.
.
«شایقا» نوحه وی یاز اصغر شش ماهیه سن
که آییر آلتی طرفدن اونا بیر ناحیه سن
اون گئجه ناحیّه دن ساخلاگیلان آحیه سن
یوخلیاندا اوزومه سو چیله پیکانون اوجی
.
.
.
#اصغریه_شایق_اردبیلی
#اصغریه_شهادت
#پر_آچوب_گلدی_هواده_دله_پیکانون_اوجی
#ترکی
..
✍️ #زبدةالاشعار ✍️
.
🆔: @nohe_torki
نظر دهید