جان اوستیم جوادیم گل طوسه نوجوانیم #رضویه_عدلی_تبریزی

شهادت حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
جان اوستیم جوادیم
گل طوسه نوجوانیم
اللر اؤرک باشیندا
ایستور چخا بو جانیم
.
نه باجی وار نه قارداش
وارگوزلریمده قانیاش
.
.
بیربلبلم که دوشدوم آیری گل وچمندن
حکم قضا چکوبدی آیرولموشام وطندن
سلب ایتدیلربو یرده تاب و توانی مندن
صبریم تالاندی تزگل قالموب منیم توانیم
.
.
غربت یرینده مسموم باشی بلالیم من
زهرجفا ویروبلر قلبی یارالیم من
درک ایله صون نفسده ایلدن آرالیم من
گل بیر عیادت ایله اول بوردا همزبانیم
.
.
بو صون نفسده گویلوم دوشدی بو اشتیاقه
سنلن قویاق بودمده اوغلوم دوداق دوداقه
از بس که یانموشام من ایللر بویی فراقه
گل قیدیمه اوزون قال یوخ یادینه سالانیم
.
.
ترک مدینه ایت گل بو شهریده غریبم
نه قارداشیم باجیم وار درد وغمه نصیبم
اولمازدواسی دردیم من درد بی طبیم
گل من غریبه یار اول بویرده صون زمانیم
.
.
اولسم بوغربت ایچره سن گوزلریمی باغلا
غسل و کفن نماز قیل دفنیمده سینه داغلا
شام غریبانیمدا من تک غریبه آغلا
سن تک جوادیم اولماز بوحالیمه یانانیم
.
.
اصلیم مدینه لیدی بوردا غریب و مغموم
دست عداوتیلن زهر جفایه مسموم
کربو بلادی بو یراولموش آتاندا مظلوم
دفن ایتماقا اوغول گل سجّاد مهربانیم
.
.
یوز قویموشام ترابه سالّام حسینی یاده
اوچگون یراوسته قالدی گل جسمی کربلاده
گلموشدی اهل بیتی فریاد وآه و داده
زینب بی بیم دیردی یوخ دادیمه چاتانیم
.
.
تزگل دیمه اورکده هجرانیوه دوزوم وار
گوزتیکموشم یول اوسته اشکین توکن گوزوم وار
قید امامته قال گل چوخ سنه سوزوم وار
غم باغریم دلوبدی یوخ دردیمی آلانیم
.
.
«عدلی» قلم الینده تاپدون اگر چه فرصت
عمرون یتور تمامه بول وقتوی غنیمت
یاز ضامن غریبان چکدی نقدر مصیبت
هرگز دیمه یوخومدی خوش لهجه خوش بیانیم
.
.
.
#سبک_احوالیمیز_یاماندی … بیش از 10 سبک
.
.
.
#رضویه_شهادت
#جان_اوستیم_جوادیم
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki