استغاثه محضر مبارک حضرت ولی عصر(عج)
.
✍️ زبدة الاشعار ✍️
.
🆔: @nohe_torki
.
مرحوم تائب تبریزی
.
ای کلّ جهان فدای جانون
یوردی بیزی هجر جانسِتانون
گل صاحب عصر گوزلوری یول
بو ملّت آخرالزّمانون
.
ای کفری تزلزله سالان گل
اوز جدّی حسین قانین آلان گل
.
.
ای گلشن دین باغبانی
افسرده اولوبدی گلستانون
ای سرو روان گلشن قدس
گوزلور سنی صحن بوستانون
ای کفری تزلزله …
.
.
ای کشور عشق شهریاری
مسجود شهاندی آستانون
ای مایۀ عشق و مهربانلیق
دنیا بویی واردی مهربانون
ای کفری تزلزله …
.
.
یاددان چیخاسان مگر بیر آنی
تا یاد ایدم آیری بیر زمانون
صید ائتماقا واردی اهل عشقی
ابروی کجون کیمی کمانون
ای کفری تزلزله …
.
.
شیرین سوزیله دولار بو دنیا
آچسان دهن شکر فشانون
گر واسطۀ سوز اولماسیدون
وصف اولمازیدی گوزل بیانون
ای کفری تزلزله …
.
.
عزم وطن و سیاحت ائتمز
هر کیم تاپا کوی دلستانون
نه پایه ده وار سنه علاقم
کاشفدی مقام امتحانون
ای کفری تزلزله …
.
.
لبخند وورار چمنده گل لر
گُل تک گوله غنچۀ دهانون
گول گولسون اؤرکدن اهل عالم
وار قلبده درد بی کرانون
ای کفری تزلزله …
.
.
حیرتزده چوللری دولانما
هر قلبده وار سنون مکانون
دللر سنیلندی قلب عالم
هر دلده دی عشق حکمرانون
ای کفری تزلزله …
.
.
آت پردۀ غیبتی یوزوندن
ظاهر ایله طلعت نهانون
دنیا یوزون ایله نور باران
ای نور خدای جاودانون
ای کفری تزلزله …
.
.
گل ایله جوان جهان پیری
معنا قیل او صورت جوانون
پهن ائت یر اوزونده خوان احسان
ای جامعه ریزه خوار خوانون
ای کفری تزلزله …
.
.
جدّون قانی یرده قالماسون تا،
عریان ایله تیغ جانستانون
آل قانینی جدّوین عدودن
مَنکوب ایله خصم بی امانون
ای کفری تزلزله …
.
.
سن یوسف مصر فاطمی سن
وار سوقده قیمت گرانون
مین یوسف اولار سنه خریدار
واردی ایله اعتزاز و شانون
ای کفری تزلزله …
.
.
«تائبدی» گدای آستانون
بیر عمردی ریزه خوار خوانون
لطف ایله عزیز عالم اولسون
بو نوحه نگار نوحه خوانون
ای کفری تزلزله …
.
.
.
#سبک_قارداش_یارالی_باشیم_قالوبدور
.
#مهدیه
#ای_کل_جهان_فدای_جانون
#تائب_تبریزی
#ترکی
.
✍️ #زبدةالاشعار✍️
.
🆔: @nohe_torki
نظر دهید