جان اوستیم گل یانیمه عطشان حسینیم #زینبیه_کریمی_مراغه_ای

شهادت حضرت زینب (س)
..
..
..
سبک ها #سبک_ای_درد_بی_درمانلارا …
و با اضافه کردن واگیر :
#سبک_یا_فاطمه_من_عقده_دل_وا_نکردم
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
مرحوم کریمی مراغه ای
..
..
..
..
جان اوستیم گل یانیمه عطشان حسینیم
زینب گلن یولاریوا قربان حسینیم
عطشان حسینیم
..
..
..
..
سن جان ویرنده من نجه افغانه گلدیم
چخدیم خیم دن باش آچوخ میدانه گلدیم
شمرین جفاسیندن اوصاندیم جانه گلدیم
کسدی او کافر باشیوی دالدان حسینیم
..
..
..
..
سندن بو آخر وقتده وار التماسیم
گوندر گله تشییعیمه عباس و قاسم
قویما برادر خوار اولا غربتده یاسیم
قالدی یولوندا گوزلریم گریان حسینیم
..
..
..
..
چخماز یادیمدان یا حسین آخر زمانون
عطشان یارالی قوملار اوسته چخدی جانون
سینونده کی اوخلار اولوب اوز سایه بانون
قالدی یارالی پیکرون عریان حسینیم
..
..
..
..
بیر اوخلی پیراهن قالوب سندن نشانه
جانیم چخنجا ساخلارام منّتدی جانه
سینمده بو کوینک اولار قبره روانه
ترک ائتمرم بو کوینکی بیر آن حسینیم
..
..
..
..
دشمن سنه بیر ظلم ایدوب کرب و بلاده
یاندیریدی زینب قلبینی نار جفاده
گوگلوم یانار بو نسگلی سالدوقجا یاده
دگدی یارالی قلبیمه پیکان حسینیم
..
..
..
..
چوخ اینجیمیشدی شامدن بو قلب زاریم
راضی دگولدیم گلماقا ای تاجداریم
دوشدی رقیّه گوگلومه گیتدی قراریم
گلدیم اولام اول بیکسه مهمان حسینیم
..
..
..
..
نازین نقدری چکمیشم بو گول عذارین
غربتده هرگز قویمارام یالقوز مزارین
همسایه اولّام قبرینون سیللّم غبارین
اولّام مجاور قبرینه هر آن حسینیم
..
..
..
..
چخماز یادیمدان بو قزین حال وفاتی
جان ویرماقی یاندیردی یکسر کایناتی
خوار اولدی والله هم حیاتی هم مماتی
چوخ دوگدی اینجیتدی اونی عدوان حسینیم
..
..
..
..
آغلار کریمی روز و شب بو نیّتیله
قبرینده بیر سینه ووراخ بو هیئتیله
گوز یاشینی توکسون صدف چوخ حسرتیله
قبروندن آلسون دردینه درمان حسینیم
..
..
..
..
#زینبیه #کریمی_مراغه_ای #زینبیه_شهادت #ترکی #زبدةالاشعار