جهانی ترک ائدوب طاها، دوتون ای شیعه لرماتم #پیامبراسلام_حضرتی_ناعمی

شهادت پیامبراکرم صلوات الله علیه
.
زبدة الاشعار
.
: @nohe_torki
.
علیرضاحضرتی«ناعمی»
.
جهانی ترک ائدوب طاها،
دوتون ای شیعه لرماتم
گئیوب رخت عزا زهرا،
دوتون ای شیعه لر ماتم
.
یاغورمحنتله ابرغم کی ختم المرسلین ئولدی
دوتوبدی فاطمه ماتم کی ختم المرسلین ئولدی
توکورگؤزیاشینی هردم کی ختم المرسلین ئولدی
قالوب مظلوم علی تنهادوتون ای شیعه لرماتم
.
.
مدینه اولدی غمخانه اوجالدی گویلره افغان
باش آچدی انبیایکسرنوایه گلدی انس وجان
ملکلر ایلدی ناله فلکلر اولدی اشک افشان
هامی سویلردی واویلا دوتون ای شیعه لرماتم
.
.
نه تنها هجر طاهادن بتول اطهر آغلاردی
علی نوحه ائدردی عترت پیغمبر آغلاردی
اوغمدن یئرلرآغلاردی،او غمدن گویلرآغلاردی
دگیندی بیربیره دنیادوتون ای شیعه لرماتم
.
.
یتیم اولدی بوگون اسلام غریب اولدی بوگون قرآن
ائلیکی ایلدی رحلت رسول حضرت رحمان
چکیلدی نقشهٔ کینه بلالر باشلانوب باشدان
اورکدن شاداولوب اعدا دوتون ای شیعه لرماتم
.
.
هله دفن اولمامیش نعشی فراموش اولدی گفتاری
ستملن غصب ائدوب اعداحقوق آل اطهاری
بتولین اولمادی کیمسه غم طاهاده غمخواری
تسلی یوخ وئرن حتی دوتون ای شیعه لرماتم
.
.
غدیرخم چیخوب یادّان علی خانه نشین اولدی
گؤروب زهرا بو احوالی سارالدی گل کیمین سولدی
فراق شاه بطحادن دل زهرایه غم دولدی
اولوب قلبی غمه مأوا دوتون ای شیعه لرماتم
.
.
خلیفه اولدی مکریلن ابوبکر خطاپیشه
کی وورسین ریشهٔ دینه لباس دینیده تیشه
ائدوب اول وقتیده ثانی ولی بیرآیری اندیشه
گرک بیعت ائده مولا دوتون ای شیعه لرماتم
.
.
یازوب بومطلبی چوخلی تواریخ و مقاتل لر
توکولدی بیت مولایه اوگمره لر،او جاهل لر
علیدن آلماقا بیعت ائدوب اصرار غافل لر
اولوبدورفتنه لربرپا دوتون ای شیعه لرماتم
.
.
اوجالدی فرشیدن عرشه نواسی بنت طاهانین
دئدی سنسیزبابا یوخدی صفاسی دار دنیانین
ائدوب قان امّتون اشکین گؤزونده غملی زهرانین
کیمه دردین دئسون آیادوتون ای شیعه لرماتم
.
.
دوگولدی دخترطاها اوگون اشرار آراسیندا
قانادسیز قوش کیمین قالدی یاناراودلارآراسیندا
یئتیشدی صدمه زهرایه در ودیوار آراسیندا
اوحاله آغلادی طاها دوتون ای شیعه لر ماتم
.
.
قلم صبرایله اول گیزلین قالان اسراریدن یازما
گل بی خاریدن یازدون جفای خاریدن یازما
در ودیواریدن یازدون ولی مسماریدن یازما
اؤزون اوخشا اؤزون آغلا دوتون ای شیعه لرماتم
.
.
.
#سبک_علی_اصغر_مه_انور ( 8 سبک سینه و زنجیر)
.
.
#پیامبراسلام_شهادت
#جهانی_ترک_ائدوب_طاها_دوتون_ای_شیعه_لر_ماتم
#حضرتی_ناعمی
#ترکی
.
#زبدةالاشعار
.
: @nohe_torki