چاتاجاقدور منه بیر خوش خبر ان شاءالله #مهدیه_سیدبشیرحسینی

یا مهدی
.
✍️ زبدة الاشعار ✍️
.
🆔: @nohe_torki
.
سید بشیر حسینی میانجی
.
چاتاجاقدور منه بیر خوش خبر ان شاءالله
وار امیدیم که نگاریم گلر ان شاءالله
.
گئجه گوندوز باخورام یولاّرا یار عشقینده
گلجاقدور یا بوگون یا سحر ان شاءالله
.
گورمه میش عاشقی ام گلمگینی گوزلیورم
منه بسدى باخا گر منتظَر ان شاءالله
.
آیریلیق دردینه یوخ چاره گرک صبر ائلییم
آنجاق آخرده تاپام بیر ظفر ان شاءالله
.
گر چه من چوخ اوزاقام اوندان او یاخیندى منه
منه اُول یاریم اوزى باش چکر ان شاءالله
.
اورگیم لاله کیمى قانه دونوب هجرینده
بیر باخیشلا منى مسرور ائدر ان شاءالله
.
آرزومین آغاجى گوزیاشیمیلان گویروب
وئره جاق نخل امیدیم ثمر ان شاءالله
.
کعبه دن اونداکى گون تک چیخاجاقدور یاریم
غصّه دن قلبیم او دم دینجلر ان شاءالله
.
گلسه گر یوسف زهرا داخى قالماز غم و درد
شاد اولار شیعه ی اثنى عشر ان شاءالله
.
ذوالفقارى آلاجاقدور الینه پور على
دشمنِ دین اولاجاق دربدر ان شاءالله
.
محسن و فاطمه نین قانین آلار اعدادن
خار تک خوار اولاجاقدور عمر ان شاءالله
.
وار یقینیم یا بو دنیا یا او دنیاده «بشیر»!
صله بو شعریوه مهدى وئرر ان شاءالله
.
.
#مهدیه
#چاتاجاقدور_منه_بیر_خوش_خبر_ان_شاءالله
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki