حالات حضرت زهرا سلام الله علیها
..
..
..
..
حاج اسماعیل زرین
..
..
..
..
درد درونی دیدۀ خونباریدن سوروش
سوز نهانی آه شرر باریدن سوروش
..
نه غصه وار اورکده اونی کیمسه یوخ بولن
نارغمه یانان بو دل زاریدن سوروش
..
یوخ بیر بولن مصاحب اونا درد دل دیم
دردیم دیور دوادی گئت اغیاریدن سوروش
..
نادان رفیقدن گینه بیگانه یاخشی دور
ای دل تفاوتون دل بیداردن سوروش
..
بی فهم یاریدن یتیشر هر غم و ملال
بو سوز ندور بو درده گرفتاریدن سوروش
..
مندن بو بیر نتیجه سوزی ائتمه سن قبول
تاریخدن بو امره خبر داریدن سوروش
..
پیغمبر خدایه او نادان صحابه لر
ائتدوقلاری تعدّی و آزاریدن سوروش
..
کیم یاندیروبدی درگه ختم رسالتی
بطن كلامی ناقل اخباریدن سوروش
..
نه علت اولدی گلدیله دربار رحمته
قانون کفر گوندرن اخطاریدن سوروش
..
کیملر اومحترم قاپونون پوزدی حرمتین
بیر عدّه دین تباه تبهکاریدن سوروش
..
کیم داندی حقّی دوشدی ریاست هواسنه
گئت اوّلیله ثانی مکاریدن سوروش
..
نه باعث اولدی پشت دره گلدی فاطمه
برپا ائدن او شورشی اشراریدن سوروش
..
ئولدی قاپو دالندا خانم زخمدار اولوب
آغلار گوزیله سرّینی مسماریدن سوروش
..
مسمار صدر فاطمه ده نه اثر قویوب
گلدن چمنده گئت ستم خاریدن سوروش
..
پهلوسینی نه ظلم شکست ائیلدی اودم
ظلمیله اودلانان در و دیواریدن سوروش
..
زهرا قاپو دالیندا نه نوعی سیزیلدادی
ثانی کتابتینده کی اقراریدن سوروش
..
نه صدمه وارد اولدی که سقط اولدی محسنی
ثانی ویرن فشاری در داریدن سوروش
..
یاندیردیلار على قاپوسون قلبی تک اوگون
سوز دلین دیلینده کی گفتاریدن سوروش
..
یاندی قاپو یخلدی خانم یرده ضعف ائدوب
نه ظلم اولوندی صاحب درباریدن سوروش
..
اوز محرمین نه حالیده گوردی شه حرم
شرحین بونون ازلده کی دیداریدن سوروش
..
حقّ اوسته دست حقّی او گون باغلادی عمر
ساکت ندن باخلاردیلا حظاریدن سوروش
تنها اوگون امامه کمک اولدی فاطمه
سعی حمایتین شه بی یاریدن سوروش
..
افسوس اول حمایت الین کسدی اشقیا
نو نوعی کسدی قنفذ و تاتاریدن سوروش
..
اولدی اولان قئتدیله اما نتیجه سین
هر بیر زماندا عترت اطهاریدن سوروش
..
اوندان صورا نه درده دچار اولدی فاطمه
تاپسان اگر اونون کیمی بیماردن سوروش
..
من بولمورم بو مدتی نقدری آغلادی
گوزده سرشکنی مه آذاریدن سوروش
..
ملكون نیه الیندن او خاتونین آلدیلار
بوامرى اول حکومت جبّاریدن سوروش
..
تنگ معاشه دوشدی نه اندازه اهل بیت
ایتدوقلاری گجه گونوز افطاریدن سوروش
..
علّت نه اولدی منزل بوبکره فاطمه
تشریف آپاردی سن او دل افگاریدن سوروش
..
گیتدی او نحس منزله اؤز حقّین ایسته سون
حقّین نجه آلوب او طلب کاریدن سوروش
..
حقّین آلوب گلنده دچار اولدی ثانیه
مظلومه حالین ظالم خونخواریدن سوروش
..
نه جرمی واریدی خانمون بین راهده
ثانی او ظلمی ایتدی او بی عاریدن سوروش
..
نولدی دوباره اوردا خانم ضعف ایلدی
من بولمورم یوزونده کی آثاریدن سوروش
..
حق اوسته هاردا طالب حقی دوگوبدولر
نه رسمدور او رسمسیز اشراریدن سوروش
..
زهرا عذارینی نیه گیزلتدی شاهیدن
غم آشناسی زلف سمنباریدن سوروش
..
نه حاله قالدی فاطمه نه گوردی شاه دین
غیرتلی شخص تاپسان اوهوشیاریدن سوروش
..
دوزدی نجه بوظلم لره شیر لم یزل
گیت سرّینی او واقف اسراریدن سوروش
..
بو ظلملر نه حاصله گتدی اوگون که گون
کرب وبلاده عابد بیماریدن سوروش
..
نه چکدی عمّه سی باجی سی ایلمه سئوال
غملو یوزونده دیدۀ خونباریدن سوروش
..
«زرّین» مدینیه گذرون دوشسه بیرده گر
زهرا مزارین سیّد ابراریدن سوروش
..
..
نظر دهید