دور آیریلیق بساطینی ایله بنا آنا

خروج از مدینه
زبانحال حضرت سیّدالشُّهدا(ع) در قبرستان بقیع
.
✍️ زبدة الاشعار ✍️
.
🆔: @nohe_torki
.
#بهزاد_قاسمی اردبیلی
.
دور آیریلیق بساطینی ایله بنا آنا
ترک ایلیور مدینه نی آل عبا آنا
.
یوخدور مجال لحظه ی هجران یاخونلاشور
ایستور کی باشلانا سفر پُر بلا آنا
.
سَپ سیلِ اشکیوی دالیمیزجان گلاب تک
گلزار آلِ فاطمیه وئر صفا آنا
.
پرواز وقتیدور، قفسِ روزگاریدن
ایله کبوتران بهشتی رها آنا
.
دور سال یولا ئوزون نگران کاروانیمی
تاکی قطار غم، اولا غمدن جُدا آنا
.
ای آفتاب دوت او بیر اللّی قنوتیوی
یتمیش ایکی ستاره نی ایله دعا آنا
.
یوخ چارَم الده ئوز وطنیمده قالانمورام
نقشه چکوب شهادتیمه اشقیا آنا
.
قالماق محالیدور گئدورم من مدینه دن
گوزلور حسینیوین یولونی کربلا آنا
.
دور ، چوخ داریخمیشام سنه آی مهربان ننه
علت اودور کی هی دئیورم جان آنا، آنا
.
آچ قمچی سیندیران قولی بیر قول بویون اولاق
باهم ائدک ئورکده کی درده دوا آنا
.
من تک فرشته لرده وداع روضه سین اوخور
خاک بقیع اولوب گینه ماتمسرا آنا
.
آغلاتما توزلی قبروین اوسته حسینوی
قویما آخا عذاریمه اشکِ عزا آنا
.
ائوده چوخ آغلادوبدی مریضه بالام منی
الدن آلوب قراریمی اول مه لقا آنا
.
تا گوردی ایستورم کی چیخام آستانه دن
اسدی وجودی دوشدی الیندن عصا آنا
.
.
.
.
آماده ایله دی ئوزونی خون دل یئیه
باخدی گوز آلتی بیر منه بیرده رقیّیه
.
.
.
✔️ زبانحال حضرت صغری (س)
.
سسلندی گئتمه صبر ائله ای مهربان بابا
سن گئتسون ئولدورر منی زخم زبان بابا
.
هامّی دییر بو قیز ننه سیزدی اودور قالوب
بوش ائوده اگلشوب ائدوب اشکین روان بابا
.
یوخ یوخ اولان دگول هله ده من اینانمورام
من سیز مدینه دن گئده جک کاروان بابا
.
عمّم بیلورکی بیرگون اگر گورمَسَم سیزی
ایلر رشیده قدّیمی غملر کمان بابا
.
سؤندورمیون رقیّیه خاطر چراغلاری
بوندان چوخ ائتمیون منی سیز باغریقان بابا
.
تک قالماقا یوخ عادتیم ئولَّم سیز اولماسوز
نابود ائدر وجودیمی بو دودمان بابا
.
دوزدؤر مریضه ام ، مَرَضیم ناعلاجیدور
تبدن اَسور اَلیم اَیاقیم هر زمان بابا
.
امّا بو قولی وئرَّم آپارسون اگر منی
بیر لحظه قویمارام اولاسان ناگران بابا
.
یولدا ئوزومده اینجیسم ، اینجیتمرم سنی
ذَرّه اَذیّتیم سنه دگمز اینان بابا
.
قلبی سینیق قیزام ننه سیزلیق یوروب منی
گُلزار عمرومی ائلیوبدور خزان بابا
.
دنیاده دل خوشوم فقط اکبردی نیلییم
دوشمور آدی دیلیمنَن، اولوب ذکر جان بابا
.
قویما سنی رقیّه من اکبردن آیریلام
دریای دردیمی ائلمه بی کران بابا
.
کسمه باشیمدان اکبریمون سایه سین، دایان
چون یوخ بو شهریده منه بیر سایه بان بابا
.
قویما آتا گوزوندن علی اکبریم منی
گوز یاشیمی گوزومده اونا وئر نشان بابا
.
.
سویله اوغول گُلون سارالار گلشن اولماسون
صغری ئولر مدینه ده اکبر، سن اولماسون
.
.
.
#خروج_مدینه
#حضرت_صغری
#دور_آیریلیق_بساطینی_ایله_بنا_آنا
#ترکی
.
✍️ #زبدةالاشعار ✍️
.
🆔: @nohe_torki