زبانحال حضرت زینب (س) در کوفه
..
..
احمدی جوان
..
..
ایها الاشرار کوفه زینب کبری منم
یادگار مرتضی ذریۀ طاها منم
..
..
گوهر دریای عشقم من وفا معناسیم
آی کیمین من آفتابین عاشق شیداسیم
دخت زهرایم حسینون اخت بی پرواسیم
نائبم خیرالنسایه صبرده دریا منم
..
..
باخمیون پوزقوندی حالیم کنز حجب و عصمتم
دختر شیر خدایم کان صبر و همّتم
من بو نهضتده حسینیله ازلدن شرکتم
قورخمارام سفیانیانی ایلین رسوا منم
..
..
بیله پوزقون لشگرین بیر باوفا سرداریم
دین اسلامین بو گون غمدیده پرچمداریم
بیر بولوک عورت اوشاقین شامه جک غمخواریم
بو سفرده همره و همنالۀ لیلا منم
..
..
ظاهراً گرچه طناب جور و ظلمه بستیم
فکر ایدورسوز قولّاریم باغلاندی زار و خستیم
من نهال عفت و مهر و وفایه هستیم
ایلین خون حسینی شامده احیا
..
..
من حسین قارداشیمون هم عهد و هم پیمانیم
ظاهراً شمره اسیرم عشق سرگردانیم
تابع قرآنم و ابقای حق خواهانیم
نطقمیلن ایلین دین حقه یارا منم
..
..
من حسینلن ازلدن باغلادیم سودای عشق
نیزه ده ایلور تجلی مهر نور افزای عشق
قارداشیم بو عشقه رهبر منده رهپیمای عشق
کلمۀ عشقه حسینیم عیندور معنا منم
..
..
بش یاشیندان غصّه و غم چکماق عادتدور منه
او سببدن بو اسارت چوخ سعادت دور منه
عاشقم قید اسارت طوق عزّت دور منه
دختر شاهنشه دنیا و مافیها منم
..
..
آتشین آهیله کاخ ظلمی ویران ایلرم
من شهادت سرّینی دنیایه اعلان ایلرم
ناقه اوسته گورموسوز تفسیر قرآن آیلرم
خارجی آد قویمیون دردانۀ زهرا منم
..
..
تختدن سالّام یزیدی قدرت قهّاریله
ایلرم ویرانه قصرین آه آتشباریله
دین و قرآن اوسته اولام روبرو کفّاریله
چون علیّ المرتضایه دخت بی پروا منم
..
..
تازه دن قانه بویاندوردوز حسین قارداشیمی
ظلملن آلقانه دوندردوز منیم گوز یاشیمی
کاسۀ صبریم جالاندی منده یاردیم باشیمی
کوفه ده بو انقلابی ایلین برپا منم
..
..
نیزه ده قارداشیمه باخدوقجا من قان آغلارام
نیزیه چاتمور الیم حسرتله سینه داغلارام
باشینون قارداشیمون ویرسوز یاراسین باغلارام
زلفیمیله، چون حسینه عاشق شیدا منم
..
..
«هر کس اولدی دهرده بیر مه لقانین عاشقی»
یا اولوب بیر عده لر کرب و بلانین عاشقی
فخری یوخ اولسا «جوان» آل عبانین عاشقی
افتخار ایلر غلام زینب کبری منم
..
..
..
#کوفه #احمدی_جوان #ترکی #زبدةالاشعار
نظر دهید